खोज

बुटवल, ३ फागुन । सिद्ध भुमि सिद्घबाबा र गोरखनाथ बाबाको सम्बन्धबारे प्रचार गर्दै धार्मिक पर्यटन विकास गर्ने उदेश्यका साथ दुई दिने ईण्डो नेपाल धार्मिक पर्यटन यात्रा २०२४ हुने भएको छ । बुटवलका साइकल अगुवाहरुको पहलमा शुक्रबार र शनिबार दुई दिने ईण्डो नेपाल धार्मिक पर्यटन यात्रा २०२४ अन्तरगत नेपालको सिद्धबाबा धामदेखी भारतको गोरखनाथसम्मको यात्रा हुने भएको हो ।

विहिबार एक कार्यक्रमका बिच टिसर्ट र ज्याकेट लन्च गर्दै सिद्धार्थ कलर हाउसका संचालक नित्यानन्द ज्ञवाली, समाजसेवी शोभाकान्त पाण्डे, नेत्र प्रसाद ज्ञवालीले पवित्र उदेश्यसहित गरिएको यात्राको सफलताको शुभकामना दिए ।

कार्यक्रममा बुटवल युनाइटेड साईक्लिङ क्लबका अध्यक्ष उत्तम श्रेष्ठले २१ सय वर्षअघि भारतवर्षमा पर्ने उज्जैनका चक्रवती सम्राट भतृहरि राजाको वैराग्यपछि उत्तरापन्थ सिद्धबाबा क्षेत्रमा तपस्या गरि सिद्धि प्राप्त गरेको किवदन्तीलाई उजगार गर्ने गरि साईकलयात्रामा जोड्न थालेको बताए । गोरखनाथ बाबाको निर्देशनमा भतृहरि राजा नेपालका आएर ध्यान गरि सिद्ध प्राप्त गरेको पवित्र र तपोभुमिको प्रचारप्रसार गरि पर्यटक भित्र्याउने सम्भावना रहेको उनले बताए ।

गोरखनाथ बाबाको चेला बनेपछि भतृहरि राजा र उनको भान्जा गोपिचन्द सिद्धबाबा क्षेत्रमा आएका थिए । मिर्जापुरको चुनारगढमा भतृहरि समाधिष्ठ हुनुभएको मानिन्छ ।  यात्रामा प्रदेश खेलकुद परिषद लुम्बिनीसहित बर्जर सिद्धार्थ कलर हाउस, होम डेकोर, सखिया फिस रिसोर्टसहित विभिन्न सहयोगदाताबाट सहयोग भएको क्लबका सचिव राजु तिवारीले बताए ।