खोज

बुटवल, २२ भदौ । कुनै बेला महिलाहरु भेट भएर आफ्नो वर्षभरिको बेदना पोख्नेदिनका रुपमा पहिचान बनाएको तीज पर्वलाई समयसापेक्ष जगेर्ना गर्न आवश्यक रहेको एक कार्यक्रममा बोल्ने बक्ताहरुले जोड दिएका छन । होटल तथा रेष्टुरेन्ट ब्यवसायी संघ रुपन्देहीको आयोजनामा शुक्रबार बुटवलमा भएको तीज मिलन कार्यक्रम २०८० मा बोल्ने बक्ताहरुले भड्किलो नाचगान र खानपिनभन्दा संस्कृति पर्वका रुपमा मनाउनुपर्ने सुझाव दिए ।

कार्यक्रमको संस्कृति, पर्यटन तथा नागरिक उड्डयन राज्यमन्त्री सुशिला सिर्पाली ठकुरीले उद्घाटन गर्दै महिलाप्रति नकारात्मक संस्कार, संस्कृतिको अवशेष बाकि रहेको भन्दै यसलाई चिर्न अझै पनि बाकि रहेको बताईन । आर्थिक रुपमा सबल नभई महिला नेतृत्वमा आउन नसक्ने भन्दै उनले महिला सशक्तीकरणलाई जोड दिनुपर्ने बताईन। तिज मिलनको नाममा नाचगान र रमाईलोमात्र नभई नया योजना बनाउने रुपमा रहेको बताईन। पहिले भिन्न संस्कार र संस्कृतिको रुपमा मनाईने समाजमा हेलाहोचो, बुहारीको बेदला पोख्ने रुपबाट वर्तमान समयमा आईपुगेको उनले बताईन । हरेक पर्व धार्मिक संस्कृति मुल्यमान्यतामा जोडिएको उनले बताईन । महिलाहरुलाई कमजोर बनाउने संस्कार र संस्कृति जोडेर अहिलेको अवस्थामा आईपुगेको उनले बताईन । श्रीमानको मृत्यु हुदा श्रीमती सति जानुपर्ने सतिप्रथाको विभेद रहेको समाजबाट अहिलेको अधिकारप्राप्तीको अवस्थासम्म आईपुगेको उनले बताईन ।

कार्यक्रममा महासंघका संस्थापक अध्यक्ष माधव नेपालले दुख पोख्ने दिनमात्र नभई अधिकार प्राप्ति गर्ने दिनका रुपमा रहेको बताए । महिलाहरु अधिकारसंगै देश सुधार गर्ने अभिभारा आफ्नो काधमा लिनुपर्ने उनले बताए । तीज पर्वलाई भावनासंग जोडिएको पर्वका रुपमा मानिने गरेको भन्दै उनले पछिल्लोसमय भड्किलो बनेको दुखेसो गरे । तिजमा गाउने गितमा बेदना र भावना हुन छोडेको उनले दुखेसो गरे । समाज परिवर्तन र देशमा परिवर्तन आउने गरि गित गाउन उनले आग्रह गरे । एउटा कार्यक्रमबाट आन्तरिक पर्यटन प्रवद्घर्नको क्षेत्रमा समेत महत्वपूर्ण योगदान मिल्ने उनले बताए ।

कार्यक्रममा याक ब्रुअरी प्रालिका डिपुटी म्यानेजर प्रितम गिरिले वर्षको एक दिन महिलाहरुलाई रमाईलो गर्ने दिनको रुपमा मनाउने गरि संस्थागत सहयोग गरिएको बताए । गुणस्तरीय उत्पादनलाई जोड दिएको भन्दै उनले स्वदेशमा उद्योग गर्न धेरै कठिनाईहरु रहेको दुखेसो गरे । तीजलाई संस्कृतिको रुपमा जोगाउने गरि कार्यक्रम गरिएको उनले बताए ।

कार्यक्रममा संघका अध्यक्ष लेखनाथ भण्डारीले संघको वार्षिक योजना अनुसार ब्यवसायमा आवद्घ महिलाहरुलाई मनाउने गरि कार्यक्रम गरिएको बताए । पर्यटन ब्यवसायको रुपमा मान्यता लिएर होटल ब्यवसायलाई सरकारबाट आवश्यक सहयोग हुनुपर्नेमा उनले जोड दिए ।
कार्यक्रममा वरिष्ठ उपाध्यक्ष माधव खनालले तिज पर्व महिला अधिकार प्राप्तिमा महत्वपूर्ण रहेको बताए। वर्षभरिको दुखेसो पहिचान बनाएको बताए । देशमा लामो राजनितिक परिवर्तनका बिच महिलाका धेरै अधिकार प्राप्त हुने बताए । कार्यक्रमका संयोजक माधव ढकाल, सीता ढकालले लैगिक हिसा अन्त्य गर्ने अभियानमा तिज मिलन कार्यक्रम फलदायी हुनेमा आशाबादी रहेको बताए ।

कार्यक्रममा संघका सल्लाहकार प्रेमलाल पाण्डे, वरिष्ठ सल्लाहकार महेन्द्र श्रेष्ठ, समुन्द्र जिसी, देवीकुमार श्रेष्ठ, बाबुराम श्रेष्ठ, केशर राज ज्ञवाली, संघका महासचिव अर्जुन थापाले शुभकामना दिएका थिए । कार्यक्रममा लोकदोहोरी गितसंगितबाट कलाकारहरु प्रचण्ड जिसी, सिता रानामगरले मनोरञ्जन दिएको कार्यक्रमको संचालन विकास भट्टराईले बताए।