खोज

नवलपुुर, १३ असार ।

नवलपरासी पूर्वमा ढिला गरी पानी पर्न थालेपछि खेतमा रोपाई सुरु भएको छ । रोपाई सुरु भएपछि किसानहरु उत्साहित भएका छन् ।

लामो समयको खडेरीपछि अहिले आकाशबाट पानी पर्न थाले सँगै नवलपरासी पूुर्बका किसानहरुलाई अहिले रोपाईमा ब्यस्तता बढेको छ । जिल्लाका आठै पालिकामा रोपाई शुुरु भएको अमरापुरीका कृषक रत्नबहादुुर खडकाले बताए । पानी परे सँगै पुर्बी नवलपरासीमा धान रोपाईले तीब्रता पाएको छ ।

यसवर्ष समयमा पानी नपरेका कारण पुर्वी नवलपरासीमा धान रोपाई शुुरु भएको र रोपाई साउनको अन्तिम सम्म जान सक्ने कृषि ज्ञान केन्द्रले जनाएको छ । धान रोपाई यो वर्ष ढिला भए पनि किसानहरु भने उत्साहित छन् र ढिलै भए पनि पानी परेको र खेत रोपाई चाँडो सक्ने गरी किसानहरु खेतखेतमा लागिपरेका छन् ।

पूर्वी नवलपरासीको कुल १९ हजार ७५० हजार हेक्टर क्षेत्रफलमा धान खेती गरिने गरेको र यो जिल्ला धानमा आत्मनिर्भर जिल्लाका रुपमा रहेको छ भने यो वर्ष समयमा पानी नपरेकाले र अहिले बल्ल शुुरु भए पछि धानको लागि क्षेत्रफल खासै नघट्ने कृषि ज्ञान केन्द्रका प्रमुख गोपाल लामिछानेले बताए ।

दुुई वर्षअघि ६३ हजार ७८५ मेट्रिक टन धान उत्पादन भएकोेमा गत वर्ष ६९ हजार ३७० मेट्रिक टन धान उत्पादन भएको कृषि ज्ञान केन्दले जनाएको छ ।

भित्री मधेशका रुपमा रहेको गण्डकी प्रदेशको समथर जिल्ला पुर्वी नवलपरासीमा समयमै धान रोप्न थालेपछि कृषकहरुमा समेत खुशी छाएको स्थानीय गैंडाकोटका कृषक शिव कुमारी रानाभाटले बताईन् । पहाडी भेगका बुलिङटार, बौंदीकाली गाउँपालिका संगै कावासोती, गैंडाकोट नगरपालिकाका धेरै भूभाग अहिले धान रोपाईले हरियाली भैसकेको गैंडाकोट नगरपालिका अध्यक्ष मदनभक्त अधिकारीले बताए । गत बर्ष सम्म बाँझै अबस्थामा रहेको करीब पाँच हजार हेक्टरमा यो वर्ष भने लिक ढिला भए पनि समयमै पानी परेकाले खेत रोपाई भएको नगरपालिकाका अध्यक्ष अधिकारीले बताएका छन् ।

जिल्लामा मनसुली, सावित्री, अनदी, झिनुवा लगायत हाईब्रिड जातका धान बढी लगाईन्छ । खेती बढाउनका लागि हिउँदे धान लगाउने किसानलाई अनुदानको व्यवस्था गरे पनि प्रकृया झन्झटिलो हुँदा किसानले कुनै लाभ लिन नसकेको कृषक प्रेम सिहं लुगेली मगर बताउँछन् ।