खोज

बुटवल, जेठ । पक्लिहवा माध्यमिक विद्यालय, सिद्धार्थनगर वडा नं. १ पक्लिहवामा नवनिर्मित दुई कोठे भवनको एक समारोह बिच समुद्घाटन गरिएको छ ।
भवनको लुम्बिनी प्रदेश सरकारका प्रवक्ता तथा बिना विभागीय मन्त्री सन्तोषकुमार पाण्डे, पक्लिहवा माध्यमिक विद्यालय व्यवस्थापन समितिका अध्यक्ष समाजसेवी सुशील गुरुङ्गले संयुक्त रुपमा भवन उद्घाटन गरेका हुन । कार्यक्रमा बोल्दै मन्त्री पाण्डेले आफू लुम्बिनी प्रदेशभरि कै जनताको प्रतिनिधि भएको हुनाले विकास निर्माणको कार्यमा कतै पनि विभेद नगरी विकासको गतिविधिमा आफू सक्रिय रहने विचार प्रकट गरे ।
विशेषगरी आफ्नो निर्वाचन क्षेत्रमा शिक्षा, भौतिक पूर्वाधार, कृषि, स्वास्थ्य, खानेपानी लगायतका क्षेत्रमा प्रदेश सरकारबाट आर्थिक सहयोग जुटाउने तर्फ आफू लागि पर्ने धारणा राखे ।
अध्यक्ष गुरुङ्गले विद्यालयको भौतिक क्षेत्रमा सन्तोषजनक कार्य भएको र आगामी दिनमा गुणस्तरीय शिक्षा मार्फत नमुना विद्यालय बनाउने तर्फ आफू र आफ्नो टिम लाग्ने विचार व्यक्त गरे ।
त्यसैगरी सिद्धार्थनगर नगरपालिका वार्ड नम्बर १ का वडा अध्यक्ष उज्ज्वल पोखरेल, बहिरा बाल विद्यालयका प्रधानाध्यापक भीमबहादुर थापाले आगामी दिनमा विद्यालयको थप उत्तरोत्तर प्रगतीको शुभकामना व्यक्त गरेका थिए । कार्यक्रममा सिद्धार्थनगर पालिका वडा नं. २ का वडा अध्यक्ष छेडीलाल श्रीवास्तव, शिक्षाप्रेमी तथा समाजसेवी लेखनाथ भट्टराई, कृष्ण खनाल, याम बहादुर थापा, जनप्रतिनिधि हरिमाया गुरुङ्ग, जनप्रतिनिधि अनिल कुमार केसी, व्यवस्थापन समितिका पुर्व अध्यक्ष मोहम्मद जहिद मुसलमान, सलुजा रामदाम, पुर्व वडाअध्यक्ष विजयनाथ धवल, दिपक पौडेल, श्याम खनाल, भविलाल पौडेल, योगेन्द्रनाथ पाण्डे, तेजेन्द्र गुरुङ्ग लगायतको उपस्थिति रहेको थियो ।
कार्यक्रममा लुम्विनी प्रदेश सरकारको २५ लाख, संघिय सरकारको २० लाख तथा विद्यालयको तर्पmबाट ३ लाख गरि कुल ४८ लाखमा उद्घाटन भएको सो दुई कोठे भवनको निर्माण तथा पाँच वटा पुराना कक्षा कोठाको पुननिर्माण सम्पन्न गरिएको विद्यालयका प्रधानाध्यापक बसन्त कुमार बस्नेतले जानकारी दिए ।