खोज

बुटवल (बुटवलटुडे) बैशाख– प्रजनन् स्वाथ्यको विषयमा बेलैमा सबैजना सचेत हुनुपर्ने एक कार्यक्रमका सहभागीहरूले जोड दिएका छन् । जुन सुकै बेला, जुन सुकै अवस्थामा पनि प्रजनन स्वाथ्य सम्बन्धी समस्या आउने भन्दै बेलैमा समस्या पहिचना गरी उपचार गरेर निको हुने र समयमा नै थप क्षती हुन बाट बच्न सकिने कुरामा जोड दिइएको हो ।
अपाङ्गता महिला संघ बुटवल १६ को आयोजानमा बुटवलमा भएका अपांगता भएका व्याक्तिहरूका लागि एक दिने प्रजनन स्वास्थ सम्बन्धि अभिमुखिकरण कार्यक्रममा बोल्दै नेपाल परिवार नियोजन संघ बुटवल शाखा प्रबन्धक विष्णु गुरुङ्गले प्रजनन स्वाथ्य सम्बन्धी समस्याहरू जो सुकै व्याक्तिहरूको लागि हुने भन्दै अझ बढि अपाङ्गता भएका व्याक्तिहरूले विभिन्न अवरोधको कारण बढि समस्या झेल्नुपर्ने अवस्था आउनेभएको कारण समयमा नै सचेत भएर अगाडी बढ्नुपर्ने कुरामा जोड दिएकी थिईन । कार्यक्रममा मुख्य सहजकर्ताको रूपमा रहेकी गुरुङ्गले स–सानो सावधानीले पनि मानिसले जिवभर नै रोग लाग्नबाट बच्न सक्ने भन्दै यसको लागि सुरक्षित यौन व्यवहार गर्नुपर्ने कुरामा जोड दिईन ।
उनले अपाङ्गता भएका व्याक्तिहरूको प्रजनन् अधिकार अन्य व्याक्तिहरू सरहरहेको भन्दै प्रजनन अधिकार कतै बाट उलंघन भएमा कानूनी उपचारमा समेत जानुपर्ने कुरामा जोड दिएकी थिईन । यस्तै विभिन्न प्रकृतिका अपाङ्गता भएका व्याक्तिहरूको अवस्था हेरेर मात्रै परिवार योजना बनाउनुपर्ने भन्दै उनले जन्मान्तर कायम राख्न,स्वाथ्यपूर्ण जिवन, विभिन्न यौन रोग लाग्नबाट बच्नको लागि परिवार नियोजनका विभिन्न साधनहरूकोे सुरक्षित प्रयोग गर्नुपर्ने कुरामा जोड दिईन । बुटवल उपमहानगरपालिका को आर्थिक सहयोगमा भएको कार्यक्रममा अपाङ्गता महिला संघ रूपन्देहीका अध्यक्ष कल्पना ढकाल ले सहजीकरण गर्दै अपाङ्गता भएका व्याक्तिहरूले आफ्नो स्वाथ्यमा विशेष ख्याल गर्नुपर्ने भन्दै केही समस्या भएमा तुरुन्त स्वाथ्य उपचार गर्न ढिलाई गर्न नहुने बताएकी थिईन । अभिमुखिकरण कार्यक्रममा अपाङ्गता भएका व्याक्तिहरूको बैवाहिक जोडीहरू सहित अन्य अपाङ्गता भएका व्याक्ति र तिनका अभिभावकहरूको सहभागीता रहेको थियो ।