खोज

पाल्पा ,  बैशाख ।- तानसेन नगरपालिका पाल्पाले दरवार संग्रहालय परिसर भित्रका घर टहरा भत्काएको छ ।
३ वटा डोजर प्रयोग गरी तानसेन नगरपालिकाले दरवार परिसरमा रहेका पसलहरु भत्काएको हो । पाल्पा दरवार परिसर लाई विश्व सम्पदा सुचिमा पार्न, दरवारलाई पुरानै मौलिकतामा राख्न, बृहत गुरुयोजना अनुसार तानसेन नगरपालिकाले पहिलो चरणमा परिसर क्षेत्रका ५७ घर टहरा भत्काएको जनाएको छ ।
पाल्पा दरबार संग्रहालय परिसरमा तानसेन नगरपालिकाले निर्माण गरेका १२ वटा पसल, घरेलु शिल्पकला बिक्री भण्डारका १३ वटा पसल, रेडक्रस पाल्पा शाखाका ३ वटा पसल, नेपाल बाल संगठनको १ वटा, कर्मचारी मिलन केन्द्रका ३ वटा, राणाकालिन समय देखी प्रयोग हुदै आएका २४ वटा सटर गरी ५७ वटा सटरहरु सरकारी जग्गा निर्माण गरी स्थानीयवासीले व्यापार व्यबसाय गर्दै आएका थिए ।

दरवार परिसर भित्र प्रवेश गर्ने मुल ढोका २०६२ माघ १८ को तत्कालीन विद्रोही माओवादी आक्रमणमा क्षती भएको थियो । क्षती भएको दरवारको मुल ढोका मर्मत गर्न पुरातत्व विभागले दरवार परिसरका व्यापारीक पसलहरु हटाउन भन्दै २०७९ साल माघ १० गते नगरपालिका लाई पत्राचार गरेको थियो ।
दुई चार दिन भित्रै संरचना पूर्ण रुपमा हटाएर सरसफाई गरी दरवारको पुरानै स्वरुप कायम गरिने नगरपालिकाले जनाएको छ । दरवार परिसर भित्र जिल्ला समन्वय समिती, वाल संगठन, जिल्ला प्रहरी कार्यालय, राष्ट्रिय अनुसन्धान, नेपाल विधुत प्राधिकरण, नेपाल टेलिकम र जिल्ला प्रशासन कार्यालय रहेका छन । तानसेन नगरपालिकाले केही व्यापारीहरु ४२ लाख रुपैया बाट बहाल कर नआएको तत्कालन भुक्तानी गर्न समेत पसलधनीहरुलाई अनुरोध गरेको छ । विश्व सम्पदा सूचीमा सूचीकृतका लागि समेत तानसेन नगरपालिकाले पहल सुरु गरेको हो।