खोज

चन्द्रौटा(कपिलवस्तु),  चैत – जनतालाई न्याय दिन बनेको न्यायीक समितिका सदस्यले सडक मिचेर संरचना निर्माण गर्न थालेपछि विवाद सुरु भएको छ । जिल्लाको बुद्धभूमि नगरपालिकाको न्यायीक समितिका सदस्य शिव गुलाम यादव (मझ्नु) ले वडा नम्बर ६, महुवामा सडकको जग्गा मिचेर घरटहरा लगायत संरचना निर्माण गर्दै आएका छन् ।

सोही वडाका वडा सदस्य समेत रहेका यादव विरुद्ध नगरपालिकाको न्यायीक समितिमा उजुरी परेको छ ।
नगरपालिकाकी उपमेयर मिरा थारुले उजुरीको विषयमा अध्ययन गरी सडक मिचेको भाग हटाउने तयारी रहेको उनको भनाइ छ । अतिक्रम गरेर निर्माण भएको संरचना हटाएर निर्माण गर्दा दीर्घकालीन रहेनेसमेत बताइन् ।

उप मेयर थारुले संरचना हटाउने तयारी गरे पछि सदस्य यादवले काउन्टर दिनकोलागि अर्को निवेदन दर्ताकोलागि पालिकामा धाइरहेका छन् । सो टोलमा पुराना घरहरुसमेत सडकमा पर्नेभन्दै सबै घर फाल्नकोलागि ६ जनाको नाममा रहेको उजुरी यादव आफैले बोकेर हिँड्ने गरेका छन् ।

मेयर केशव कुमार श्रेष्ठको दबाब दिलाई न्यायीक समितिका उजुरी दर्ता गर्न खोजेपनि उपमयेर थारुले उजुरी नलिएपछि पुराना घरको बाहाना गरी सडक मिच्ने योजना अलपत्र परेको थियो । मंगलवार सदस्य यादवको उजुरी दिन नमाने पछि श्रेष्ठले उपमेयरको च्याम्वरमा उजुरी फालेर आउनभन्दै यादवलाई उम्साएका थिए । उक्त सडक सेमरहना महुवाहुँदै पण्डितपुर जोड्ने कृषि सडक रहेको स्थानीय बताउँछन् ।

यता मेयर श्रेष्ठले उजुरी न्यायीक समितिसँग सम्बन्धित भएकोले आफू त्यति जानकार नभएको बताए । घरटहरा लगायत निर्माण भएका अधिकांश संरचना सडक अतिक्रमित रहेकोले वडाले हटाउन छ, भने सबै हटाउने नभए कसैलाई लक्षित गरि नहटाउनेभन्दै नगरलाई पत्राचार गरेको उनले बताए । न्यायीक समितिले गरेको निर्माणलाई आधिकारिक मान्दै प्रक्रिया अगाडि बढाइने उनले बताए । नालीसहित सडक १२ मिटर हुने भएकोले बाटोको आवश्यकता अनुसार अतिक्रमण गरि निर्माण भएका संरचना हटाउनुपर्ने समेत मेयर श्रेष्ठको भनाइ छ ।
ण्ण्ण्