खोज

कपिलवस्तु,  चैत- बिगतमा पटक पटक बिवादमा पर्दै आएको कपिलवस्तु अस्पतालमा कार्यरत एक महिला कर्मचारी माथी डयुटीमा रहेका बेला अस्पतालमै यौन दुव्र्यवहार भएको घटना सार्बजनिक भएको छ ।

कपिलवस्तु जिल्ला अदालतमा २८ बर्षिय महिला कर्मचारीले अस्पतालका एक डाक्टर र फार्मेसी ईन्चार्ज बिरुद्ध यौन दुव्र्यवहार मुद्दा दिए सगै घटना सतहमा आएको हो । अस्पतालको फार्मेसीमा कार्यरत पिडित महिला कर्मचारीले कपिलवस्तु अस्पतालका फार्मेसी ईन्चार्ज महेश रानाभाट र डाक्टर गणेश क्षेत्रीलाई बिपक्षी बनाई कपिलवस्तु अदालतमा चैत्र २८ गते यौन दुव्र्यवहार मुद्दा दर्ता गराएकी हुन ।

२०७९ चैत्र १७ गते राती १२ बजेको समयमा अस्पतालको फार्मेसीमा कार्यरत महिला कर्मचारी माथी फार्मेसी ईन्चार्ज महेश रानाभाटले यौन दुव्र्यवहार गरेको जाहेरीमा उल्लेख छ । आफु ड्युटीमा रहेको बेला मादक पदार्थ सेवन गरि यौन दुव्र्यवहार गर्ने उद्धेश्यले करणी आशय व्यक्त गरि संवेदनशिल अंग छोएको जाहेरीमा छ । सो पश्चात निज महिला कर्मचारीले प्रतिबाद गरे पछि निज फोर्मेसी ईन्चार्ज रानाभाटले जागिरबाट निकाल्ने धम्की दिदै अस्पतालका मेडिकल सुपरिडेन्टेन्ड डाक्टर किशोर बन्जाडे आफ्नो दाजु र संरक्षक भएकाले आफुलाई कसैले केहि बिगार्न नसक्ने बताएको घटना बिवरणमा छ । घटनाको तिन दिन पछि अस्पतालमा चैत्र २० गते छलफल हुदाँ आरोपितले कसुर स्विकार्दै लिखित गरेको बिषय जाहेरीमा छ ।

सो पश्चात चैत्र २१ गते निज महिला कर्मचारीले अस्पतालका प्रमुखलाई घटनाको छानबिन र कारवाहीको माग गर्दै निवेदन समेत दिए पछि चैत्र २२ गते अस्पतालका डाक्टर गणेश क्षेत्रीले बिगतमा आफुहरुले अस्पतालमा भएका यस्ता यौन दुव्र्यवहार र करणी भएको भनिएका घटना पनि अस्पताल भित्रै मिलाएको भन्दै घटना सामसुम पार्न दबाव दिएको जाहेरीमा उल्लेख गरिएको छ । अस्पतालमा ड्युटीमा रहेकी महिला कर्मचारी माथी सो कसुर गरेको आरोप लागेका व्यक्तिलाई मुलुकी अपराध संहिता २०७४ को दफा २२४ को उपदफा (१) र (२) को आधारमा मुलुकी फौजदारी कार्यबिधी सहिता २०७४ को दफा ४३ को उपदफा १ को (ग) बमोजिम ३ बर्ष कैद र ३० हजार रुपैया सम्म जरिवानाको माग दावी सहित हदै सम्मको सजाय माग गर्दै मुद्धा दर्ता गराएको देखिएको छ । कपिलवस्तु अदालतका श्रेस्तेदार सुमन पाण्डेले मुद्दा दर्ता भए पनि गोप्य राख्ने अन्र्तगतको मुद्दा भएकाले सो बिषयमा तत्कालै बोल्न नमिल्ने बताए ।

यस अघि पिडित महिला कर्मचारी र उनका परिवारले जिल्ला प्रहरी कार्यालय कपिलवस्तुमा जाहेरी दिन खोजे पनि कपिलवस्तु प्रहरीले जाहेरी लिएको थिएन । प्रहरीले जाहेरी नलिए पछि पिडित महिला कर्मचारीले अदालतबाट मुद्दा चलाउने प्रक्रिया अगाडी बढाएकी थिईन । पछिल्ला दिनमा सामाजिक सञ्जालमा अस्पतालमा यस्ता घटना हुदै आएको भए पनि मेसु डाक्टर किशोर बन्जाडे र कर्मचारीले ढाकछोप गर्दै आएको टिकाटिप्पणी हुदै आएको थियो ।

सामाजिक सञ्जालमा घटना बारे टिका टिप्पणी शुरु भए पछि अस्पतालले चैत्र २६ गते प्रेस बिज्ञप्ती जारी गरेको थियो । अस्पतालको प्रेस बिज्ञप्तीमा कपिलवस्तु अस्पतालको फार्मेसी फाँटको बिषयलाई लिएर अस्पताल, मेसु डाक्टर किशोर बन्जाडे र आरोपित डाक्टर गणेश क्षेत्रीको नामा जोडेर सामाजिक सञ्जालमा आएका पोष्टहरुमा सत्यता नरहेको जनाईएको थियो । त्यस्ता पोष्ट शेयर गर्ने गराउने व्यक्तिलाई कानुन अनुसारको कारवाहीको माग गरि प्रक्रिया अगाडी बढाउने चेतावनी बिज्ञप्ती मार्फत दिईएको थियो ।