खोज

बुटवल,चैत- आर्थिक उद्यमीकरणमा महिला नेतृत्व आवश्यक रहेको एक कार्यक्रमका सहभागीहरुले जोड दिएका छन् । महिला नेतृत्वमा भएको उद्यम दिगो र विश्वासिलो समेत हुनेभएको कारण महिलाहरुको उद्यमको यात्रामा लाग्नपर्ने कुरामा जोडदिइएको हो ।
तिलोत्तमा नगरपालिकामा संचालित दायित्व परियोजनाको नगर उप–प्रमुख दायित्वग्रामिण उद्यम द्रुतिकरण कार्यक्रममा सहभागी उत्कृष्ठ २० महिला उद्यमीहरु सार्वजनिक तथा सम्मान कार्यक्रममा बोल्दै नगर प्रमुख रामकृष्ण खाँणले अव महिलाहरुले कमाएर पुरुषहरुलाई पाल्ने गरीक्षमता विकास गर्न आवश्यक रहेको बताए । उद्यमी महिलाहरुलाई सम्मान गर्दै नगरप्रमुख खाँणले महिलाको इलम, सीप र उद्यमलाई नेतृत्व विकाससँगै उद्यमशिलता तथा आर्थिकोपार्जनका लागि महत्वपुर्ण दायित्वले महत्वपुर्ण भुमिका खेलेको बताए ।

कार्यक्रममा उपप्रमुख जागेश्वरदेवी चौधरीले महिलाले आफ्नो अधिकार स्थापित गर्न आर्थिकसँगै सामाजिक रुपमा अब्बल हुन आवश्यक रहेको बताउँदै नेतृत्वसँगै क्षमता र आर्थिकोपार्जनमा पुरुषसँगसँगै हिड्नु पर्नेमा जोड दिईन । महिलाको अधिकार स्थापितका लागि सक्रियता नै महत्वपुर्ण भएको भनाई राखिन ।
२० उद्यमी महिलाहरुलाई सम्मान गरिएको छ । नगर उप–प्रमुख दायित्व ग्रामिण उद्यम द्रुतिकरण कार्यक्रमको चौथो संस्करणका लागि छनोट भएका २० नयाँ उद्यमी नगद पाँच÷पाँच हजार नगद सहित सम्मानित भएका हुन् । नगरभित्रका ६० साना÷मझौला उद्यमी महिलाहरुबाट छानीएका उनीहरुलाई नगरप्रमुख रामकृष्ण खाँण र उपप्रमुख जागेश्वरीदेवी चौधरीले सम्मान गरेका थिए ।

कार्यक्रममा तिलोत्तमा ६ का वडाध्यक्ष गणेश पाठक, कार्यपालिका सदस्य राधा शाही, महिला तथा बालबालिका तथा समाज कल्याण उपशाखा प्रमुख सम्झना भण्डारी, अधिकृत सिता घिमिरे, महिला अधिकारकर्मी मिनाक्षी न्यौपाने, उद्यमी महिला दुर्गाकुमारी भण्डारी लगायतले आ–आफ्ना राखेका थिए । भएको थियो । दयित्वका लुम्बिनी प्रदेश संयोजक कमल थापाको सहजिकरणमा भएको कार्यक्रममा दायित्व कार्यक्रमबारे प्रकाश पार्दै दायित्वका सिनीयर म्यानेजर सञ्जय पोखरेलले ६० जनाबाट छानीय २० जनालाई सम्मान गरिएको बताए । तेस्रो चरणमा छानीएका १० जना उद्यमीहरु मध्ये बाट यहि चैत २८ गते १ लाख पुरस्कार दिने कार्यक्रम रहेको छ । अघिल्लो चरणमा महिला र पुरुष उद्यमीहरु सहभागी रहेकोमा यो पटक चौथो चरणमा महिला उद्यमी मात्रै सहभागी रहेका छन् ।