खोज

बुटवल,  चैत- भारतसंग खुला सिमाना रहेका बेलहिया नाका हुदै ओमिक्रोन संक्रमित भित्रने संख्या बढ्दो छ । भारतमा रोजगारीबाट फर्किने, तिर्थयात्री, पर्यटकहरुलाई लक्षित गरि हेल्प डेक्समा गरिएको नमुना कोभिड परिक्षणमा संक्रमित बढेको देखिएको हो । लुम्बिनी प्रदेश सरकार, स्वस्थ्य निर्देशनको अगुवाईमा पछिल्लो एक हप्तादेखि जाचलाई नियमित गरिएको ल्याब सहायक खिमा डागीले बताईन । सिमामा परिक्षण गर्नु धेरै कठिन भएको उनले बताईन ।

ठुलो भिड भित्रने हुदा पनि सबैको परिक्षण सम्भव नहुने हुदा समुहसमुहमा आएकामध्येबाट नमुना परिक्षण गरिदै आएको उनले बताईन । कम जनशक्तिलाई सदुपयोग गरेर एक जना स्क्रिनिङको लागि सिमा क्षेत्रमा नै बस्ने, २ जना दर्ता गर्ने र बाकी ल्याबमा परिक्षण र रिपोर्ट दिने गरेको उनले बताईन । ‘अन्य नाकाको तुलनामा बेलहयिा नाकामा संक्रमितहरुको बढ्दै बढदो छ ।’– उनले भनिन । परिक्षणसंगै हेल्प डेक्सबाट हरेकलाई माक्स लगाउने, सेनिटाईजरको प्रयोगबारे सचेतना दिदै आएको उनले बताईन ।

शनिबार बनारसबाट फर्किएका भरतपुरका ४५ जना नेपाली तिर्थयात्रीहरुको परिक्षणको क्रममा ११ जनामा ओमिक्रोन देखिएको बेलहिया हेल्प डेक्सका अहेब सुनिल न्यौपानेले बताए । यसैगरि आईतबार १ सय ५९ जना मध्ये १७ जना, सोमबार ९२ जनामा ३ पोजिटिभ र मंगलबार २३२ जनामा ६ जना पोजिटिभ रिर्पोट आएको उनले बताए ।
भारतबाट भित्रनेहरुलाई फकाएर स्क्रिनिङ गरेर बोलाई कोभिड परिक्षण गर्ने गरेको उनले बताए । मानिसहरु फुल भ्याक्सिङ लगाईसक्यौ मलाई केही हुदैन भन्ने र खासै मतलब नगर्ने गरेको उनको दुखेसो छ । माक्स सेनिटाईजरको प्रयोग बेकार हो भन्ने जस्ता उनिहरुको ब्यवहार हुने उनले बताए । दैनिक संक्रमितहरुको संख्या बढ्दो रहेको उनले बताए । धेरै मानिसहरु आउने हुदा नेपालीहरुमा सबैलाई जाच गर्ने र भारतीयहरुमा नमुना परिक्षण गरिदै आएको उनले बताए ।

नेपालमा कोरोना संक्रमितको संख्यामा वृद्धि हुन थालेको छ । शून्यमा झरेको कोरोना संक्रमणको अवस्था विस्तारै बढ्दै गएको हो । स्वास्थ्य तथा जनसंख्या मन्त्रालयका अनुसार सोमबार मात्र देशभरमा ७६ जना कोरोना भाइरसका नया संक्रमित फेला परेका छन् । भारतमा फैलिएको ओमिक्रोन एक्सबीबी.१.१६ सहितका ९ वटा सवभेरियन्टहरु नेपालमा पनि बढ्दै गएको छ । अति संक्रामक भेरियन्ट ओमिक्रोनका ९ वटै सवभेरियन्टमध्ये नेपालमा एक्सबीबी.१.१६ सबैभन्दा धेरै रहेको स्वास्थ्य तथा जनसंख्या मन्त्रालयले जनाएको छ ।