खोज

बुटवल,  चैत – बुटवलको बस पार्क(टर्मिनल) ठेक्का लिएको ठेकेदार कम्पनीले मुख्य राजमार्गमा नै बसेर अवैध रकम अशुल्ने गरेको पाइएको छ । लुम्बिनी बस टर्मिनल प्रयोग गर्ने सवारीसाधनलाई मात्र शुल्क लिनुपर्ने प्रावधानलाई लत्याउँदै ठेकेदार कम्पनीले राजमार्गमा रोकीराखेका सवारी साधनबाट समेत रकम उठाइरहेको हो ।
यसरी खुलेयाम रुपमा नियमविपरित रकम लिर्इंरहदा स्थानीय सरकारको रुपमा रहेको बुटवल उप–महानगरपालिकाको ध्यान पुगेको छैन । बुटवल उप–महानगरपालिकाले बसपार्क प्रयोग गर्ने र पार्कीङ्ग गर्ने सवारीसाधनलाई मात्र शुल्क लिनेगरी ठेकेदारसँग सम्झौता भएको गरेको थियो ।

तर ठेकेदार कम्पनीले रातको समयमा पुर्व–पश्चिम चल्ने यातायातको साधन (बस)लाई राजमार्गनै रोकेर अबैध रकम अशुल्दै आएको हो । जुन कार्य नगरपालिकासँग भएको सम्झाैता विपरित हो । बस टर्मिनल प्रयोग नगर्ने राजमार्गमा गुड्ने सवारीसाधनलाई पैसा उठाउन नपाउने यसोगरेको भए सम्झौता विपरित भएको उप–महानगरले जनाउँदै आएको छ । तर नगरपालिकाको नियम लत्याउदै ठेकेदार कम्पनीले रकम असुली गरिरहेको हो ।

बुटवल उप–महानगरपालिकाले २ बर्षका लागि २०७९ असोज देखी ०८०/०८१ असार मसान्त सम्म गणेश एण्ड सन्स कन्सट्रक्सन बुटवल १३ लाई ठेक्का सम्झौता गरेको थियो ।
२ करोड ९१ लाख ५४ हजार भ्याट सहित सञ्चालक नारायण श्रीसले ठेक्का लिएका छन् ।
उपमहानगरपालिकाले बसपार्क बाहेक अन्यठाउँमा बसेर रकम उठाउन नपाउने स्पष्ट नियम रहेको भएपनि ठेकेदार कम्पनीले भने मुख्यराजमार्गमै बसेर जवरजस्ती रकम उठाउँदै आएको सवारीधनीहरुको गुनासो रहेको छ ।
लामो दुरीमा सन्चालित धेरै बसहरुले बुटवलको बसपार्क प्रयोग गर्दैन्न, तर बाहिर सडकमा यात्रु ओराल्ने र चढाउने गरेबापत ठेकेदार कम्पनीले प्रतिगाडी १५ रुपैयाँ अनिवार्य नै गराएको छ ।
रातीमा पैसा उठाउन बसेका ठेकेदार कम्पनीका कर्मचारीलाई किन रकम लिएको भन्ने प्रश्नमा नगरपालिकाबाट भएको सम्झौता अनुसार नै रकम लिन पाउने गरेको दावी गर्दछन् ।

ठेकेदारले दादागिरी शैलीमा पैसा असुलेको देख्दा समेत नजिकै रहेको प्रहरी चौकीका प्रहरीले समेत व्यवस्ता गर्दै आएको पिडितको गुनासो छ ।
बुटवल उपमहानगरापलिका प्राकृतिक स्रोत तथा सम्पत्ती व्यवस्थापन शाखा प्रमुख रामप्रसाद अर्यालले ठेकेदार कम्पनीले नगरसँग गरेको सम्झौता भन्दा बाहिर जान नपाउने बताउँछन् ।उनि भन्छन्–‘‘ सम्झौता भन्दा बाहिर जाने अधिकार कसैलाई छैन, नियम भन्दा बाहिर जान पईदैन ।’’
बुटवल उपमहानगरपालिकाले केही बस काउटरलाई टर्मिनल भित्र लैजान नसकेका कारण ठेकेदारले सम्बधित काउटरमा गएर पैसा उठाउन पाउने भएपनि नाकामा बसेर ढाट राखेजस्तै गरी पैसा लिन नपाउने अधिकृत अर्याल को भनाई छ ।
पश्चिम नेपाल बस ब्यवसायी प्रा(लि)का अध्यक्ष दधिराम खरेल ले बसपार्क को शुल्क धेरै भएको बताउँछन् । यातायात क्षेत्र अफ्ठारो अवस्थामा रहेको बेला बसपार्क प्रयोग गरेको शुल्क केहि समायोजन हुनुपर्नेमा अझ थप सडकमा नै रकम अशुल्ने काम भएको उनको भनाई छ ।
सेवा लिएवापत शुल्क दिने हो, तर सेवा नै प्रयोग नगरी सार्वजनिक सडक प्रयोग गर्दा शुल्क असुल्ने काम कानून विवपरित रहेको अध्यक्ष खरेलको भनाई छ ।

यता, बुटवल उप–महानगरपालिकाका प्रवक्ता शिव रानाले नगरपालिकामा भएको सम्झौता भन्दा बाहिरगएर रकम उठाउने ठेकेदारलाई काबाही हुने बताउँछन् । केहीदिन अगाडी ठेकेदारलाई बोलाएर सम्झौता भन्दा बाहि गए करबाही हुने जानकारी समेत गराएको उनको भनाई रहेको छ । उता लुम्बिनी बस टर्मिनलको ठेक्का लिएको ठेकेदार कम्पनी गणेश कन्स्ट्रक्सनका सञ्चालक नारायण श्रीसले आफुले नियम भन्दा बाहिर रकम नलिएको दावि गर्दै आएका छन् ।