खोज

 बुटवल, फागुन– दृष्टिविहिन क्रिकेट संघ लुम्बिनीको आयोजना र एबिलीस फाउन्डेसन फिल्याण्डको आर्थिक सहयोगमा ३ दिवसीय दृष्टिविहिन क्रिकेट प्रतियोगीता भएको छ । बुटवलको जबई खेल मैदानमा भएको प्रतियोगीतामो आईतबार एक कार्यक्रमको विच समापन गरिएको छ । दुई वटा समुहका विचमा ३ दिन सम्म भएको प्रतियोगीतामा तिनाउ समुह र तिलोत्तमा समुह का विचमा भएको थियो ।

प्रतियोगीता समापन कार्यक्रममा बोल्दै लुम्बिनी प्रदेश खेलकुद विकास परिषद्का सदस्य सचिव जयप्रकाश भट्टराईले अपाङ्गता भएका व्याक्तिहरुको खेलकुद प्रतियोगीतालागि सहकार्यगर्न तयार रहेको बताए । उनले दृष्टिविहिन क्रिकेट प्रतियोगीताका लागि आर्थिक, नैतिक, भौतिक सहकार्य गर्न रहेको प्रतिवद्धता जनाए । कार्यक्रममा बोल्दै उनले भने–‘हामी प्रतियोगीताका लागि सहकार्यगर्न तयार रहेका छौं, जसको लागि भौतिक संरचना निर्माणको लागिपनि हामी पहल गर्ने छौं ।’
कार्यक्रममा बोल्दै राष्ट्रिय अपाङ्ग महासंघ नेपालका लुम्बिनी प्रदेश अध्यक्ष हुमनाथ अधिकारीले स्थानीयतह देखि प्रदेश र संघीय सरकारले समेत खेलकुदको लागि एथेष्ठ बजेट विनियोजन भए पनि अपाङ्गताको खेलकुदका लागि अझै पनि बजेट विनियोजन गर्ने परिपाटी अभाव रहेको बताए । उनले अपाङ्गता भएका व्याक्तिहरुले समेत अन्तराष्ट्रिय स्तरको खेलकुदमा सहभागी भएर देशको नाम उच्च राख्न सफल भएको बताउँदै उनले यसको लागि प्रदेश सरकार, स्थानीय तहले खेलकुदमा सहकार्य गर्नुपर्ने बताएका थिए ।

कार्यक्रममा बोल्दै दृष्टिविहिन क्रिकेट संघ लुम्बिनीका अध्यक्ष निर्मल पौडेलले अपाङ्गता भएका व्याक्तिहरुले खेल्ने उहीझण्डा र अन्य व्याक्तिहरुको सहभागी भएर खेल्ने पनि उहि झण्डा भएपनि एउटै झण्डाको विचमा विभेद भएको बताएका थिए ।
कार्यक्रममा जबई स्पोटिङ्ग क्लवका उपाध्यक्ष खेमानसिंह रानाले विगत लामो समय देखि दृष्टिविहिन क्रिकेटका लागि खेलकुद मैदान उपलब्ध गराउँदै आएको बताए । उनले खेलमैदानका लागि बिजेट विनियोजन भएपनि हाल सम्म मैदान सुधार नभएको सरकार संग यथासक्य खेल मैदान पुरा गर्न माग समेत गरे ।

कार्यक्रममा नेपाली क्रिकेट समर्थक समुहका सह–सचिव नारायण पाण्डे, एम्पाएर दिलिप आचार्य, सहभागी खेलाडी सुनिल क्षेत्री र लोकेश डाँगी, प्रदेश खेलकुद विकास परिषद्का सदस्य हरिष वली लगायतले, दृष्टिविहिन क्रिकेट संघका सचिव समिक्षा ज्ञवाली लगायतले आ–आफ्नो भनाई राखेका थिए । एम्पाएर दिलिप आचार्य, गिता रेग्मी , सुवास पौडेल, सरोज पौडेल लगायतले एम्पाएरको भूमिका निर्वाह गरेका थिए । प्रतियोगीतमा म्यान अफ द सिरिज खेमराज सापकोटा भए भने म्यानअफ द म्याच पहिलो खेलमा खेमराज सापकोटा, दोस्रोमा अब्दुल जकिर र तेस्रोमा केशव क्षेत्री भएका थिए ।