खोज

बुटवल- तिलोत्तमा नगरपालिकाको सहयोगमा मणिमुकुन्द भलिवल क्लवको आयोजनामा तेस्रो वडा स्तरिय पुरुष भलिवल प्रतियोगीता सुरुर भएको छ ।
प्रतियोगीताको उद्घाटन खेलमा वडा नम्बर १० विजयी भएको छ । वडा नम्बर ९ लाई हराउँदै वडा नम्बर १० विजयी भएको हो ।
वडा नम्बर ४ र वडा ६ का विचमा भएको दोस्रो खेलमा वडा चारलाई सोझो सेटमा हराउँदै वडा ६ विजयी भएको छ ।

तेस्रो खेलमा वडा १७ र वडा ७ बिचमा भएकोमा वडा नम्बर ७ बिजयी भएको हो । वडा११ र वडा २ विचमा भएको खेलमा वडा नम्बर २ विजयी भएको मणिमुकुन्द भलिवल क्लवका बष्ठि उपाध्यक्ष किसन चन्दले जानकारी दिए ।
खेल उद्घाटन कार्यक्रममा बोल्दै तिलोत्तमा नगरपालिका का उप प्रमुख जागेश्वर देवी चौधरीले नगरभित्रहुन हरेक खेलकुद लाई नगरालिकलो उच्च प्रथमिकता दिएर सहयोग गर्दै आएको बताईन ।
भलिवल खेलराष्ट्रिय खेल भएकाले पनि नगरपालिकाले आफ्नो वडाका खेलाडीहरुको पोेत्साहनका लागि सहयोग गरेको उनको भनाई थियो ।
मणिमुकुन्द भलिवल क्लवका अध्यक्ष लोकेन्द्र भण्डारीले खेलकुदको बिकास गर्न सबै पक्ष लाग्नुपर्ने बताएका थिए । भलिवलको विकासका लागि विद्यालय स्तरबाट नै विभिन्न प्रतियोगीताका साथै निरन्तर प्रशिक्षणको आवश्यककता रहेको उनले बताएका थिए ।
नगरका १० वडा वडाको सहभागीता रहेको प्रतियोगीतामा प्रथम हुनेले नगद ६० हजार,कप मेडल प्रमाणपत्र पाउने छन् भने द्रोस्रो हुनेले नगद ४० हजर, कप मेडल प्रमाणपत्र पाउने छन् ।
तेस्रो हुनेले नगद २५ हजार, कप मेडल प्रमाणपत्र पाउने छन् भने अन्तीम ४ समूहले नगद १५ हजार, कप, मेडल पाउने क्लवका अध्यक्ष भण्डारीले जानकारी दिए ।