खोज

बुटवल, फागुन ।
तिलोत्तमामारहेका सिर्जनशिल संस्था नेपालको आयोजना सडक तथा बेवारिसे वालवालिकाहरुको दिगो व्यवस्थानको लागि भवन निर्माण गर्न महायज्ञको तयारी गरिएको छ । यही फागुन २८ गतेदेखि श्रीमद्भागवत धनधान्याञ्चल ज्ञान महायज्ञ तथा बोद्ध दर्शन प्रवचन आयोजना हुने छ । तिलोत्तमा–९ मंगलापुरमा यहि फागुन २८ देखि चैत महिनाको ५ गने सम्म महायज्ञ सञ्चालन हुने भएको हो ।
महायज्ञ सञ्चालनका लागि सम्पूर्ण तयारी अन्तिम चरणमा पुगेको महयज्ञ सम्पादन समिति संयोजक रोमणी प्रसाद पाठकले जानकारी दिए । आचार्य ओमप्रकाश सुवेदीबाट महायज्ञमा प्रवचनक कार्यक्रम रहेको उनले बताए । यसैगरी बोद्ध गुरु भिक्षु ज्ञानेन्द्र स्थविर “सद्धम्भ कोविद“ ले बोद्ध दर्शन बारे प्रवचन दिने कार्यक्रम रहेको छ ।
यज्ञ सम्पादनका लागि करिब ५ सय सदस्यीय मुल आयोजक समिति तथा १३ वटा विभिन्न उपसमिति गठन गरिएको उनले बताए ।
वि.स. २०५४ सालमा स्थापना भएको सिर्जनशिल संस्थाले बालबालिका तथा महिला उत्थानको क्षेत्रमा काम गर्दै आएको छ । महिलाहरुले सञ्चालन गर्दै आएको यस संस्थामा ३५ जना महिला आजीवन सदस्य तथा ३ जना पुरुषहरु आजीवन सदस्का रुपमा रहेको संस्थाकी अध्यक्ष प्रतिमा शर्माले बताईन । संस्थाले हालसम्म १९७ जना सडक बालबालिकाको उद्दार गरिसकेको उनले बताइन ।
उद्दार गरिएका मध्ये १३ जना बालबालिकाहरुलाई नेपाल सरकारलाई जिम्मा लगाइएको तथा १३० जनालाई परिवारसँग पुनःमिलन गराइएको उनले जानकारी दिईन । यसैगरि २६ जनालाई जिविकोपार्जन सीप सिकाई व्यवस्थापन गरिएको अध्यक्ष शर्माले बताइन् । यस्तै १८ जना बालबालिकालाई संस्थाले व्यवस्थापन गरिरहेको छ । तिलोत्तमा नगरपालिकाले वडा नम्बर ७ मा उपलब्ध गराएको २ कठ्ठा जमिनमा भवन निर्माण गर्न लागिएको हो । सभाहलसहित १२ कोठामा बन्ने भवनका लागि ८१ लाख खर्च अनुमान गरिएको संस्थाकी कार्यक्रम सम्पादन तथा व्यवस्थापन निर्देशक प्रतिमा शर्मााले जानकारी दिइन् ।
महाज्ञबाट करिब २ करोड अर्थ संकलन गर्ने लक्ष्य राखिएको उनले बताइन । यज्ञ सम्पादनका लागि १५ लाख खर्च अनुमान गरिएको छ ।