खोज

बुटवल- भारतबाट नेपाल आएका कुखुराको अण्डा र चल्ला छोप्दा हल्ला गर्ने रुपन्देही प्रहरी उद्योगमा मजदुरको ज्यान जादा भने चुप लागेको भेटिएको छ । गत माघ १६ गते रुपन्देहीको मैनहियामा रहेको अर्घाखाँची सिमेन्टमा आगोले जलिघाईते भइ ज्यान गुमाएको मजदुर मर्दा प्रहरी चुप लागेको भेटिएको हो ।

प्रहरीले यसलाई नियोजित नभइ जानकारी दिन छुट हुन गएको भनेको छ । रुपन्देही प्रहरीले जिल्लामा घटेका घटनालाई संचारकर्मीको इमेलमा जानकारी पठाउने गरेको छ ।
रुपन्देहीको सियारी गाउँपालिका वडा नम्बर २ मा रहेको अर्घाखाँची सिमेन्ट उद्योगमा ४ मजदुरको रहस्यमय तरिकाले मृत्यु भएको घटना भने प्रहरीले जानकारी नै गराएन । एकै समयमा ४ जना मजदुरको मृत्यु भएको घटनालाई प्रहरीले गुपचुप राखेपछि प्रहरी माथि आशंका गरिएको छ ।

उद्योगको कोईला भट्टीमा आगो लागेर ६ जना मजदुर घाईते भएको र तत्काल उपचारको लागि भैरहवामा रहेको युर्निभर्सल मेडिकल कलेज लगिएको थियो । त्यसमध्ये ४ जनाको मृत्यु भएको र २ जना उपचार पछी घर फकीइसकेको रुपन्देही प्रहरीले सोमबार पुष्टि गरेको छ ।
प्रहरीका अनुसार ४ जनाको उपचारको क्रममा मृत्यु भएको हो । मृत्यु हुने ४ मजदुरमा ३ जना भारतका र एक जना नेपाली मजदुर हुन । आगोमा जलेर रुपन्देही मायादेवी गाउँपापलिका कलौनी घर भएका बर्ष ४० को अड्डकत कुमार हरीजन, भारत बिहारस्थायी घर भएका बर्ष ३५ को शशीकान्त कुश्वाहा, भारत बिहारकै श्रीराम सिह, भारत कानपुर घर भएका बर्ष ४० को जितेन्द्र उतमको मृत्यु भएको हो । भारत बिहार घर भएका रनजकिशोर यादब र भारतकै महाराजगञ्ज घर भएका सिवलाल हरीजन घाईते भएकोमा उपचार पछी घर फकीएको प्रहरीले जनाएको छ ।

बेलाबखत आगो लागिरहने सिमेन्ट उद्योगको कोईला प्लान्टमा १५ गते समेत आगो लागेको थियो । आगो नियन्त्रणका लागि दमकलको सहयोग लिइएको जानाइएको छ । अघिल्लो दिन दमकलको सहयोगले आगो नियन्त्रणमा लिए पनि अर्को दिन भित्र भित्रै सल्कीएको आगो एक्कासी विष्फोट भएर ति मजदुर घाईते भएको बताइन्छ ।
जिल्ला प्रहरी कार्यालय रुपन्देहीका सुचना अधिकारी प्रहरी नायव उपरिक्षक श्यामु अर्यालले घटनाबारे घटना भएको मिति र मृत्यु भएको मिति फरक फरक भएको कारण घटना बाहिर नआएको दावि गरे । हामीले घटना लुकाउन खोजेको होइन अर्यालले बुटवल टुडेसँग भने, यसलाई छुटेछ भनेर बुझिदिनुस् ।

उद्योगमा मजदुरको सामान्य सुुक्षा समेत ख्याल नगरी लापरवाहीपुर्वक ढंगले उद्योग सञ्चालन गरिरहँदा कुनै पनि निकायले उद्योग सञ्चालक र सम्बन्धीत अधिकारलाई स्थानीय प्रशासनले नियन्त्रणमा लिएको खबर बाहिर आएको छैन् ।