खोज

बुटवल, माघ- अपाङ्गता भएका व्याक्तिहरुलाई प्रयोग गरिने शब्द चयन, व्यवहारप्रति सबै जना गम्भिर हुनुपर्ने कुरामा जोड दिइएको छ । प्रयात्न नेपालको आयोजानमा महिला मानवअधिकार रक्षक सञ्जाल रुपन्देहीको सहकार्यमा बुटवलमा भएका े‘क्रस मुमेन्ट डाईलग’ कार्यक्रमका सहभागीहरुले अपाङ्गताको प्रकार, प्रकृति संगै सम्बोधन, व्यहारमा पुर्ण रुपमा परिर्वतन ल्याउन जरुरी रहेको बताएका हुन । आत्मसम्मान सहितको व्यहार अन्य नागरिक बाट अपाङ्गता भएका व्याक्तिहरुले अपेक्षा गरेको उनीहरुको भनाई छ ।
कार्यक्रममा बोल्दै गैरसरहकारी संस्था महासंघ नेपालका केन्द्रीय सल्लाहकार सुमित्रा शर्माले अपाङ्गताको बर्गीकरण संगै उनीहरुप्रति गरिने व्यवहार समाजले सहज रुपमा गर्नुपर्ने र सोही अनुसारको नीति निर्माणमा रहेका व्याक्तिरुबाट कानूनत सहजता ल्याउनुपर्ने बताईन ।
कार्यक्रममा कार्यपत्र प्रस्तुत गर्दै प्रयत्न नेपालका अध्यक्ष सरिता लामिछानेले अपाङ्गताको प्रकार र नीतिगत व्यवस्था बारेमा जानकारी दिदै शब्द चयन, अपाङ्गताको प्रकृति र अवस्था अनुरुप गर्नुपर्ने कुरामा जोड दिईन ।
कार्यक्रममा राष्ट्रिय अपाङ्ग महासंघ नेपाल का संघीय सदस्य तथा महिला मानव अधिकार रक्षक सञ्जाल रुपन्देहीका सह सचिव सावित्रा घिमिरेले कार्यपत्र प्रस्तुत गर्दै अपाङ्गता भएका व्याक्ति त्यसमा पनि महिलाहरुले भोग्दै आएको समस्याका लागि सबै जनाले हातेमालो गरेर समाधान गर्न आवश्यक रहेको बताएकी थिईन । कार्यक्रममा अधिवक्ता हेमा न्यौपाने, दिपा विश्वकर्मा, माईती नेपालका अध्यक्ष माया क्षेत्री, अग्रज पत्रकार ईन्दीरा अर्याल, भगवती पाण्डे, प्रत्यत्न नेपालका सचिव सरिता लामिछाने, कार्यक्रम संयोजक रितु पन्त लगायतले आ आफ्नो भनाई राखेका थिए ।
अपाङ्गता दीर्घकालिन अवरोधको सिमिततका र समान सहभागीतामा असर पर्ने लाई भनिने भन्दै दिर्घकालिन अशक्तता नै अपाङ्गताको परिभाषा रहेको बताएकी थिईन ।