चन्द्राैटा , ५ जेठ ।
दूधाधारी नमुना माध्यमिक विद्यालयमा लागूऔषध नियन्त्रण सम्बन्धी अन्तरक्रिया गरिएको छ । कपिलवस्तुकाे विजयनगर गाउँपालिका वडा नम्बर-१ गुगाैलीमा अवस्थित रहेकाे माविमा सोमबार अन्तरक्रिया गरिएको हाे ।
गाउँपालिकाका अध्यक्ष गाेपाल बहादुर थापाले विद्यार्थी नै देश विकासकाे कर्णधार भएको बताए । कुलतमा नलागेर सही, गलत छुट्याएर नकारात्मक भावनाकाे त्याग गर्दै आफ्नो लक्ष्य प्राप्तिका लागि लाग्नुपर्नेमा उनले जाेड दिए । गाउँपालिका भित्र रहेका सबै माध्यमिक विद्यालय यस्ता चेतनामूलक जिल्ला प्रशासन कार्यालयलाई उनले अनुराेधसमेत गरे ।
यसैबीच प्रमुुख जिल्ला अधिकारी दिल कुमार तामाङले विभिन्न मादक पदार्थ, लागू तथा पेय पदार्थले मानिसकाे दिमागलाई प्रत्यक्ष वा प्रत्यक्ष रुपमा नकारात्मक असर गरिरहेकाे बताए । विद्यार्थीले गरेका विभिन्न प्रश्नहरुकाे जवाफ दिँदै समस्याको परेकाे अवस्थामा जिल्ला प्रशासनमा सजिलैसँग बुझ्न सक्ने र प्रशासनले हरेक तवरले सहजता प्रदान गर्ने तामाङले प्रतिबद्धतासमेत जनाए ।
यस्तै जिल्ला प्रहरी कार्यालयका प्रहरी नायब उपरीक्षक माेहन मणि अधिकारीले कुलतमा फसेका व्यक्तिलाई छुटकाराका लागि सबैभन्दा पहिला आफ्नो पहिचान गर्नुपर्ने बताए । विश्वासिलो व्यक्तिसँग आफ्नो अनुभव साट्ने बताउँदै लागूऔषध नियन्त्रण सराेकारवालाहरुले सहकार्य गर्नुपर्नेमा उनले जाेड दिए । स्थानीय सरकारसँग लागूऔषध नियन्त्रण सम्बन्धी समन्वय गरेर याे अभियान ३ महिना चलिरहेकाे नायब उपरीक्षक अधिकारीले बताए ।
जिल्ला प्रशासन कार्यालय ताैलिहवाकाे आयाेजना र जिल्ला प्रहरी कार्यालय कपिलवस्तुकाे समन्वयमा लागूऔषध नियन्त्रण सम्बन्धी सचेतनामुलक कार्यक्रम गरिएको जनाइएको छ । इलाका प्रशासन कार्यालय चन्द्राैटाका प्रमुख घनश्याम न्याैपाने, इलाका प्रहरी कार्यालय गणेशपुरका प्रहरी निरीक्षक हर्ष बहादुर चन्द, जिल्ला प्रशासन कार्यालयका नायब सुब्बा बाबुराम शर्मा, माविका प्रधानाध्यापक सुग्रीव प्रसाद काेरी लगायतले कार्यक्रमलाई सम्बाेधन गरेका थिए ।
२८ मंसिर २०८२, आइतबार
