खोज

नवलपरासी,पश्चिम् ।

पश्चिम नवलपरासीको सुस्ता गाउपालिका वडा नं। १ रुपौलिया वडा कार्यालयमा रहेको रुपौलिया महिला बहुउद्धेशीय सहकारी संस्थाले १ करोड ६० लाख २८ हजार २ सय ६१ रुपैयाँ अडिट रिपोर्टमा नदेखिएपछि अपचलन गरेको तथ्य बाहिरिएको छ। सहकारीको लेखापरिक्षण गर्ने क्रममा १ करोड ६० लाख २८ हजार रुपैयाँको हिसाब नभेटिएपछि यतिवेला शेयर सदस्यहरु आक्रोशित बनेका छन् । संस्थाका तत्कालीन व्यवस्थापक र कम्प्युटर अपरेटरले संस्थाको कार्यकक्षमा सञ्चालकहरुबीच बसेर लेखापरिक्षण गर्ने क्रममा नदेखिएपछि उनीहरु दुबैलाई आर्थिक अपचलन गरेको आरोप लागेको हो ।

संस्था दर्ता हुनु भन्दा ५ वर्ष पहिले समुहमा रकम जम्मा गर्दा देखि गत कार्तिकसम्म नै रुपौलिया महिला बहुउद्धेशीय सहकारी संस्थाको ब्यवस्थापकमा इन्दिरा उपाध्याय रहेकि थिइन । यसैगरी अर्का कम्प्युटर अपरेटर तपनारायण चौधरी २०७३ साल देखि सोही संस्थामा रहेर संस्थाको हिसाब किताब राख्दै आएकी थिइन ।

दुबै कर्मचारीहरुले गत असारमा आ–आफ्नो समस्या देखाएर संस्थामा काम गर्न नसक्ने भन्दै राजिनामा दिएपछि संस्थाले नयाँ कर्मचारी राखेको तत्कालिन ब्यवस्थापक इन्दिरा उपाध्यायको भनाई छ ।उनले आफुलाई अध्यक्ष र समाजका केही समुहको टोलीले जबरजस्ती कोठामा राखेर हस्ताक्षर गराएको आरोप लागाएकि छन । यो अपचलन होईन सस्थाको बेरुजु हो,कहि कतै अपचलन भएको छैनूउपाध्यायले भनिन ।
उक्त रकम अपचलन नभै बेरुजु भएको उनको दावी छ ।ूअनुसन्धानबाट मैले अपचलन गरेको प्रमाणित भए म कारबाही भोग्न तयार छु उपाध्यायले भनिन।

लेखापरिक्षकले १ करोड ६० लाख २८ हजार २ सय ६१ रुपैयाँको हिसाब नआएको बताएपछि खोज्दा ९० लाख जती कम्प्युटरमा चढाउन छुटेको भेटिएको र यस आर्थिक वर्षमा पनि २० लाख कम्प्युटरमा चढाउन छुटेको भेटिएको बताउँदा बताउँदै पनि हस्ताक्षर नगरे मुद्धा हाल्ने,सामाजिक वहिस्कार गर्ने जस्ता धम्की दिएर जवरजस्ती हस्ताक्षर गर्न लगाएको ब्यवस्थापक उपाध्यायको भनाई छ ।

यो रकम तीन –तीन महिनामा किस्ताबन्दी गरी लिने निर्णय गरीएको छ जस्मा ब्यवस्थापकले १३ लाख र अप्रेटरले ११ लाख किस्ता रकम बुझाउने गरी जवरजस्ती हस्ताक्षर गर्न लगाएर कम्प्यूटर अप्रेटरले आफ्नो सोझोपनको फाइदा लिएको समेत ब्यस्थापक उपाध्यायको जिकिर छ ।

यता सहकारीकी अध्यक्ष भारतिले भने शेयर सदस्यहरुको भेलाबाट नै अपचलन आरोपित दुबैलाई ५५ र ४५ प्रतिशत गरी रकम असुलउपर गर्ने निर्णय भएको बताइन । अहिले उहाँहरु जबरजस्ती हस्ताक्षर गराइयो भन्दै हिड्नु भएको रहेछ त्यो भेलाले नै गराएको हो उनले भनिन् ।करिब ६ सय शेयर सदस्यहरु रहेको रुपौलिया महिला बहुउद्धेशीय सहकारी संस्थाको अहिले २ करोड ८० लाख बराबरको शेयर पुँजी रहेको संस्थाकी अध्यक्ष ममता भारतीले बताइन । संस्थाको ४ वर्षे कार्यकाल रहने उक्त संस्थामा आगामी पौष २८ गते अध्यक्ष भारतीको कार्य अवधि सकिदै छ । तर ४ वर्षसम्म संस्थाको एउटै लेखापरिक्षक राखेर कर्मचारीद्धय उपाध्याय र चौधरीले सञ्चालन सदस्यहरुलाई भ्रममा पार्दै रकम अपचलन गर्दै आएको अध्यक्ष भारतीको दावी छ ।

लेखापरिक्षक राख्न खोज्दा समेत विभिन्न बहानामा अरुलाई नदिने गरी समितिलाई नै कर्मचारी द्वयले गुमरहामा पार्ने गरेको अध्यक्ष भारतीको भनाई छ । हामीले पटक पटक यो अपचलनको कुरा भन्यौ पहिला नै संका लागेको थियो अहिले प्रमाणित भयो,आज उजुरी दर्ता गराउदै छु अध्यक्ष भारतीले भनिन् । यस पटक समितिले कर्मचारीहरुको भनाईलाई नमानेर जबरजस्ती अर्को लेखापरिक्षक राखेर अडिट गर्न शुरुगरेपछि दुबै जनाले विभिन्न बहाना बनाएर राजिनामा दिएको र लेखापरीक्षण गर्दा १ करोड ६० लाख २८ हजार २ सय ६१ रुपैया अपचलन गरेको भेटिएपछि उनीहरुकै सहमतिमा ५५ र ४५ प्रतिशतले असुल उपर गर्ने गरी निर्णय भएको अध्यक्ष भारतिले ठोकुवा गरिन ।

पहिलेको लेखापरिक्षण रिर्पोटमा २ करोड २६ लाख ऋण लगानी भएको देखाएपनि १ करोड ६७ लाख ऋणी को हो भन्ने नै नदेखाइकन ऋण लगानी गरेको प्रमाण देखिएको अध्यक्ष भारतीले बताइन।