खोज

नवलपरासी,पश्चिम् ।

पश्चिम् नवलपरासीको बर्दघाट नगरपालिकाले पहाडी भेगका किसानलाई हाते ट्याक्टर उपलब्ध गराएको छ नगरपालिकाको वडा नम्बर २ मा रहेको पहाडी भेगका किसानलाई ट्याक्टर हस्तान्तरण गरिएको हो ।वडा नम्बर २ अन्तर्गतका आम्बास,तिल्कने, दमार,पटुके क्षेत्रका कृषकलाई नगरको ५० प्रतिशत लागत साँझेदारीमा हाते ट्याक्टरहरु उपलब्ध नगरपालिकाको कृषि शाखाले जनाएको छ ।

शाखाको कृषि यान्त्रिकरण शीर्षक अनुरुप नगरको लागत साझेदारीमा ४ लाख ५ हजार बराबरका ९ थान ट्याक्टरहरु उपलब्ध गराईएको हो । बर्दघाट नगरपालिकाका नगरप्रमुख शम्भुलाल श्रेष्ठले भौगोलिक बनावटका हिसाबले पनि ठुला कृषि उपकरणहरु प्रयोग गर्न नमिल्ने भएकाले कृषकको सहजताका लागि हाते ट्याक्टर वितरण गरिएको उल्लेख गरे। नगरपालिकाकै एउटा पहाडी क्षेत्र यहाँ कृषि र पशुपालनको सम्भावना रहेको बताउँदै नगरप्रमुख श्रेष्ठले नगरपालिकाले आगामी दिनमा समेत यस क्षेत्रका किसान लक्षित कार्यक्रमहरु ल्याईने प्रतिबद्धता व्यक्त गरे ।

हामीले कृषिलाई प्राथमिकतामा राखेर विभिन्न योजना ल्याएका छौ, सिमित श्रोत सादन र सिमित बजेटको उच्चतम प्रयोग गरी किसानलाई सहयोग गरेका छौं श्रेष्ठले भने । कृषि उपकरण हस्तान्तरण समारोहमा बोल्दै नगर उपप्रमुख रुद्र प्रकाश उपाध्याय एवम् वडा नम्बर २ का अध्यक्ष गणेश क्षेत्रीले स्थानीयलाई पनि आफुले पाएको चिजको उत्तिकै माया सही सदुपयोग होस भन्ने हेतुले लागत साझेदारीमा विभिन्न किसिमका उपकरण हरु वितरण गरिएको बताए ।उक्त ग्रामीण क्षेत्र बिकट मानिन्छ । यहाँका नागरिकको जिविकोपार्जनको मुख्य श्रोत नै कृषि र पशुपालन रहेको छ ।