खोज

लमही,०१ जेठ ।
वनबाट निःशुल्क रूपमा पाइने थाकल सजावटका सामान उत्पादन तथा (जडीबुटी विशेष) को प्रभावकारी उपयोग गर्दै गढवाका स्थानीय महिलाहरू उद्यमशीलताको मार्गमा अग्रसर भएका छन् । घरेलु प्रयोजनमा मात्र सिमित थाकलको उपयोग अब आयआर्जनको स्रोतमा परिणत हुँदैछ । गढवा गाउँपालिकाले सिप सिकौँ रोजगार बनौँ भन्ने मूल नाराका साथ गढवा गाउँपालिका महिला बालबालिका तथा जेष्ठ नागरिक शाखाको आयोजनामा आदिवासी जनजातिका लागि थाकलका पातबाट सजावटका सामग्रीहरू निर्माण तथा स्तर उन्नति तालिम दिएपछि तालिम प्राप्त महिलाका लागि उद्यमीको बाटो खुलेको हो तालीममा सहभागी गढवा -६ कि दिपा चौधरीले बताइन ।

गढवा गाउपालिकाका अध्यक्ष एमनाराय पोख्रेलले पालिकाको प्रमुख उदेश्य महिला तथा स्वरोजगार भएका कारण सिपमुलक तालिम दिदै आएको बताए । हामी कसरी महिलालाई उद्यमशिलतामा जोडन स्थानीय स्रोत साधनको प्रयोग गरेर सफल उद्यमी बनाउन तर्फ ध्यान दिएका छौ । थाकल पनि स्रोत चारैतिर वन भएका कारण सजिलै पाउन सकिन्छ । महिलाहरू माग भएकोले पालिकाले सीप मुलुक तालिमसँगै ब्यबसाय सन्चालन र बजारीकरणका लागि पालिका स्तरिय महिला सहकारीसँगै समन्वय गराउने गर्छ उनले भने । थाकलबाट सजावटका सामग्री सँगै तेल, धूप, साबुन, अर्गानिक औषधिजस्ता विभिन्न उत्पादन तयार पारिँदैछ तयारी भएको, जसले बजारमा राम्रो माग पाइरहेको तालिम प्राप्त महिला प्रतिभा चौधरी बताइन् । उनले रोजगारिका लागि नोकरिनै गर्नु पर्छ भन्ने होइन, अहिले घरको काम सकेर बाकी समयमा सामग्री बनाउन जाने बताइन् ।

“पहिले थाकल वनमै सड्थ्यो, अहिले यसबाट आम्दानी हुन थालेको छ,” स्थानीय महिला उद्यमी चौधरीले भन्छिन्, “अब हाम्रो सामूहिक उद्देश्य नै यसलाई ब्रान्ड बनाएर बजारमा पु¥याउने हो ।” स्थानीय तह र विकास साझेदार संस्थाको सहकार्यमा महिलाहरूले थाकलसँग सम्बन्धित साना उद्योगहरू स्थापना गर्न अग्रसरतामा देखिएका छन । यसले गाउँमा रोजगारी सिर्जना मात्र होइन, जैविक वन स्रोतको संरक्षणमा समेत योगदान पु¥याएको छ । विशेषगरी ग्रामीण महिलाहरूको जीवनस्तर उकास्न थाकलजस्ता वन पैदावारको व्यवस्थित उपयोगले दीर्घकालीन प्रभाव पार्ने अपेक्षा गरिएको छ ।