दाङ, २४ बैशाख ।
समुदायका नागरिकले स्वास्थका बारेमा जानकारी राखेमा समाज र परिवार स्वस्थ रहने गरेको पाइन्छ । स्वच्छ सफा नेपाल , मुक्त कमलरी बिकास मंच ,सोसेक नेपाल, युवालयको संयुक्त आयोजनामा घोराही उपमहानगरपालिका भित्रका महिला कृषक समूह, पशुपालक समूह र आमा समूहलाई जलवायु न्याय सम्बन्धि कार्यक्रममा घोराही उपमहानगरपालिका -८ का वरपिपल महिला समूहका सदस्य यमुना चौधरीले वायुप्रदुषण बढाउने काम मानिसले गरेका कारण आफैं सचेत हुनुपर्ने बताइन् ।
जथाभावी पलास्टिकको प्रयोग र पलास्टिक जलाउदा आउने दुसीत हावाले स्वास्थ्यमा नकारात्मक प्रभाव पार्ने बताइन् । आफ्नो आनीबानीमा सुधार गरि वातावरण स्वच्छ राख्ने प्रतिबद्धता ब्यक्त गरिन । घोराही -४ का श्री उज्ज्वल कृषि महिला समूहका सदस्य लक्ष्मी चौधरीले गल्ने फोहर र नगल्ने फोहरलाई घरबाटै छुट्टाउने बताइन् । पलास्टिक नजलाउने र जलवायु परिवर्तनले पार्ने असरका बारेमा गाउँ टोलमा सचेतना फैलाउने बताइन् ।
स्वच्छ सफा नेपालका परियोजना संयोजन कैलास बिक्रम साहीले वातावरणलाई कसरी स्वच्छ राक्ने र यसमा नागरिकको भूमिकाको बारेमा छ्लफल भएको बताउनुभयो । वायु प्रदुषणका कारण निम्तिने विभिन्न रोगका कारण मानिसको स्वास्थमा जोखिम बढ्दै गएकाले सबैलाइ सचेत गराउन आवश्यक देखियको बताउनुभयो । गाउँ घरका महिलाहरु विभिन्न समूहमा आबद्ध भएको र समूह मार्फत जनचेतनामूलक काम गर्न सजिलो हुने बताए ।
स्वच्छ सफा नेपालका पैरबी तथा अभियान सल्लाहकार प्रेमप्रकाश नेपालीले जलवायु परिवर्तन र चुनौतीका बारेमा जानकारी हरित गृह ग्यास उत्सर्जनका स्रोतहरुका बारेमा , पानी र खाद्य सुरक्षा कसरी सुनिश्चित गर्ने, स्वच्छ वातावरण नागरिकको मौलिक अधिकारका बारेमा जानकारी गराए । स्वच्छ सफा नेपालले वातावरण कसरी स्वच्छ बनाउने विषयमा दाङको घोराही उपमहानगरपालिका भित्र सरसफाइ सम्बन्धि विभिन्न कार्यक्रम गर्न थालेको छ।
२७ मंसिर २०८२, शनिबार
