खोज

हरेक बर्ष मई महिनाको पहिलो आइतबार विश्व हाँसो दिवस मनाइन्छ । तदनुसार आज मई महिनाको पहिलो आईतबार विश्व हाँसो दिवस मनाउने औपचारिकता पूरा गरिदैछ । नेपालमा यो दिवसलाई सरकारले औपचारिकता दिएको छैन जसका कारण यो दिवस सरकारी क्यालेण्डरमा समावेश छैन । स्वास्थ्यका लागि सवैभन्दा महत्वपूर्ण बिषय भएरपनि यो दिवसमा सरकारको आँखा नजानु चिन्ताको कुरा हो । हाँसोले हाम्रो स्वास्थ्यमा स्फूर्ति मात्रै ल्याउँदैन, हाम्रो जीवनलाई दिर्घायू समेत बनाउँछ । तसर्थ चिकित्सकहरूले त दिनमा एकपटक मज्जाले वा खुलेरै हाँस्न सल्लाह दिने गरेका छन । मे ५ मा मनाइने यस दिवस प्रथमपटक औपचारिक रूपमा सन् १९९८ मा भारतको मुम्बईमा मनाइएको थियो । हाँसो एउटा सकारात्मक अनि शक्तिशाली भाव हो, यसले जीवनमा रस अनि आशा थप्दछ ।

आजको दिनले विश्वबन्धुत्व, भ्रातृत्व अनि शान्तिको पनि वकालत गर्दछ । उखान पनि छ– एक पलमा हजार जीवन अनि एक हाँसोमा हजार खुसी छाउँछ । तसर्थ खुसी छाउन हाँसोको अनिवार्यतालाई बुझौं । सरकारले पनि बुझोस र यसलाई राष्ट्रिय क्यालेण्डरमै समावेश गरोस् । पछिल्लोसमय विश्वमाझ तनाव बढ्दै छ । मानिस अनेकथरी समस्या, उल्झन र चुनौतिमा पर्दै आएका छन् । बढ्दो मानसिक तनावले मानिसमा मानसिक रोग (डिप्रेसन) को समस्या बढ्दै गएको छ । यस्तो अवस्थामा मानिसको जीवनमा खुसी ल्याउन हाँसोको आवश्यकता छ । हाँसो विनाको जीवन निरर्थक हुने अवस्था आएको छ । तसर्थ विश्व हाँसो दिवसकै अवसरमा भन्नैपर्दछ– दिल खोलेर हाँसौ । हाँसेर दिर्घायू वन्नुको अर्को ठूलो ओखती छैन । निश्चितरूपमा हाँसोभित्र हाम्रो जीवन र भविष्य जोडिएको छ । जति बढी हाँस्न सक्यो उति मन चंगा हुन्छ, मन हलुंगो हुन्छ । जीवन स्पूmर्ति हुन्छ । तर, हाँस्न त्यति सजिलो पनि छैन

आजको मानिस विभिन्न पीडामा छटपटिएको छ । विभिन्न तनावले थिचिएको छ । यद्यपि हाँसोले कुनैपनि कुरा या पीडालाई निको पार्न वा समाधान गर्न सक्दैन, तर यसले धेरै कुरा र पीडाहरूलाई छेउ लगाउँदै जीवनको मूल्य आत्मसाथ गर्न मद्दत पु¥याउँछ । यही मूल्य बुझेर नै हरेक बर्षको मे महिनाको पहिलो आइतबार विश्व हाँसो दिवस मनाउने गरिएको छ । हाँसो एउटा सकारात्मक अनि शक्तिशाली भाव हो, यसले जीवनमा रस अनि आशा थप्दछ । हाँसोले मातृत्व, भातृत्व, मातृ बात्सल्य सवै कुरा जोड्दछ । हाँसोले खुसी दिन्छ तसर्थ हाँस्न नभुलौ । हाँसोलाई हरेक दिन बढाउँदै लैजाउँ । हाँसो मै जीवन खोजौं । जति नै तनाव किन नहोस हाँसेर तनाव कम गरौं ।

हाँसेर शतायू पाईन्छ भने किन नहाँस्ने ? प्रवचन, योग तथा अन्य सत्संग र सत्मार्गका कार्यक्रमलाई हाँसोमा जोड्न सक्यौ भनेपनि भोलीको दिनमा नेपाललाई समुन्नत बनाउन सकिन्छ । हाँसो हाम्रो जीवन हो । यो तथ्यलाई मनन गरौं । निश्चितरूपमा हामीभित्र भएका अनेकौं बिकारजन्य मनोबृत्ति अन्त्य गर्न सहयोग पुग्नेछ । हाम्रो जीवनको एउटा अभिन्न हिस्सा हाँसोलाई बनाउनु सकौं र दिनको एकदुई पटक मज्जाले हाँसौं । आफू हाँसेर अरूलाई हँसाउन सक्नुपनि महत्वपूर्ण सत्कर्म हो । हँसाउन प्रोत्साहन गर्नु पनि एउटा ठूलो सामाजिक कला हो । ऋषि महर्षीहरू भन्छन– हाँसो किन्न सकिदैन् । तसर्थ मनभित्रैबाट हाँसौं । हाँसो दिवसको अवसरमा दिर्घ जीवनका लागि, स्वास्थ्यका लागि र अरूको दुःख सुखमा सहभागी हुन सकौं । अरूका लागि होइन, आफ्नो स्वास्थ्यका लागि भएपनि अन्तरआत्माबाटै हाँस्न सकौं । सरकारले यो दिवसलाई राष्ट्रिय क्यालेण्डरमा समाबेश गरोस् ।