खोज

दाङ,११ बैशाख ।

मुक्त कमलरी बिकास मञ्च र स्वच्छ सफा नेपालको आयोजना तथा आ एम नेपालको आर्थिक सहयोगमा पालिकास्तरीय परियोजना सल्लाहकार समितिको बैठक दाङको घोराहीमा भएको छ ।

कार्यक्रममा घोराही उपमहानगरपालिका उपप्रमुख हुमा डिसीले मुक्त कमलरीले पालिकासंग सहकार्य गरेर काम गरेको बताइन् । उनले उपमहानगरपालिकाको १ र १७ नम्बर वडामा गडौले मल उत्पादन कार्यक्रम गरिरहेको जानकारी गराउँदै आगामी दिनमा स्वरोजगार कार्यक्रममा सहकार्य गरेर काम गर्ने प्रतिबद्धता जनाइन् ।

उप प्रमुख डिसीले घोराहीलाई लैङ्गिक हिंसा निवारण घोषणा गर्ने तयारी भैरहेका भन्दै सबैलाई आ–आफ्नो स्थानबाट सहयोग र सहकार्य गर्न आग्रह गरिन । लैङ्गिक हिंसा नियन्त्रणका लागि ३२ वटा सूचक भित्र मुक्त कमलरीलाई छाना नभएकालार्इ छाना दिने कार्यक्रम रहेकाले छाना नभएकाले पालिकामा सम्पर्क गर्न आग्रह समेत गरिन् ।

मुक्त कमलरी बिकास मंचका परियोजना अधिकृत सुबोध चौधरीले मुक्त कमलरी सशक्तीकरण परियोजना लागू भएको र दोस्रो चरणको कार्यक्रम संचालन गर्नुपूर्व कार्यक्रमको बारेमा जानकारी गराएको बताए । यो परियोजना अन्तरगर्त प्रत्यक्ष रुपमा ४ सय ६५ जना र अप्रत्यक्ष ५ सय ब्यक्तीलाई सहयोग गरेको जानकारी दिए । लक्षित समुहहरुमा पूर्व कमलरी, सीमान्तीकृत ,असहाय रहेको उल्लेख गरे । उनले दाङको घोराही उपमहानगरपालिका, तुलसीपुर उपमहानगरपालिका र लमही नगरपालिकामा कार्यक्रम लागू भएको पनि बताए ।

स्वच्छ सफा नेपालका परियोजना संयोजन कैलास बिक्रम साहीले दोस्रो चरणको परियोजना सुरु भएको र दाङमा मुक्त कमलरी बिकास मंचसंग सहकार्य गरेर कार्यक्रम गरेको बताए । उनले परियोजनाको उद्देश्य जलवायु न्याय प्रबर्द्धन, अनुसन्धान, क्षमता बिकास, पैरवी र दिगो वातावरणीय पहलहरु मार्फत युवा र महिलाहरूको अधिकार संरक्षण गर्ने गरेको बताए ।

कार्यक्रममा पत्रकार महासंघ दाङका अध्यक्ष सन्तोष सुवेदी, महिला बालबालिका कार्यालयका राधा भट्टराई, मुक्त कमलरी बिकास मन्चका केन्द्रीय कोषाध्य शुसिला चौधरी, सुनिता चौधरी लगायतले धारणा राखेका थिए ।