© २०२३
२७ मंसिर २०८२, शनिबार
२७ मंसिर २०८२, शनिबार
बुटवल, ८ वैशाख । बुटवल उपमहानगरपालिका–११ स्थित योगीकुटीमा रहेको सफल महिला समूहका सदस्यहरूलाई लक्षित गर्दै एक महिनाको वाद्यवादन तालिम सुरु गरिएको छ । बुटवल उपमहानगरपालिकाको आर्थिक सहयोगमा संचालनमा आएको तालिमको नगरप्रमुख खेलराज पाण्डेले एक विशेष समारोहबीच समुहलाई बाद्यबादन सामग्री हस्तान्तरण गरि उद्घाटन गरे ।
नगरप्रमुख पाण्डेले तालिममार्फत महिला समूहहरूलाई सीपमूलक ज्ञान प्रदान गर्दै आर्थिक रूपमा सबल बनाउने अभियानको थालनी भएको बताए । उनले यस्ता तालिमहरूले महिलाको आत्मनिर्भरतामा सहयोग पु¥याउने विश्वास व्यक्त गरे ।
कार्यक्रममा समूहकी अध्यक्ष शान्ति घिमिरेले तालिममा हार्मोनियम र मादल वादनको प्रशिक्षण दिइने जानकारी दिइन् । तालिमको सहजकर्ताको रूपमा हरिप्रसाद उपाध्याय रहेका छन् ।
कार्यक्रममा वडा नं ११ का वडाध्यक्ष रामचन्द्र खनाल, विभिन्न महिला समूहका प्रतिनिधिहरू चण्डी न्यौपाने, यदु पाण्डे, पूर्णानन्द गिरी, संस्थाकी उपाध्यक्ष पवित्रा अर्याल, कविता अधिकारीले ब्यवहारिक रुपमा उपयोगी हुने गरि तालिम लिन सुझाव दिए ।
© २०२३
सर्वाधिकार सुरक्षित
Design & Developed By:
