खोज

बुटवल, १४ चैत ।
शुद्धोदन गाउँपालिकामा सिद्धार्थ गौतम बुद्धका पिता, राजा शुद्धोधनका बारेमा विस्तृत खोज अनुसन्धान गरी ऐतिहासिक तथा पुरातात्विक लक्षण/नीतिका विषयमा कार्यपत्रहरूको प्रस्तुत एवम् अन्तक्र्रिया सम्पन्न भएको छ । लुम्बिनी बौद्ध विश्वविद्यालयको सहकार्यमा उक्त कार्य सम्पन्न भएको हो ।गाउँपालिकाका प्रमुख प्रकाशकीय अधिकृत बिष्णु वहादुर घर्तीले पालिकाको नाम भगवान गौतमबुद्ध बुवाको नामबाट राखिएको छ । तर यसलाई पहिचान गराउने केहि र कुनै बस्तु छैन यसलाई झल्काउने र स्थानपनि गर्ने र यो पालिकालाई राष्टिय तथा अन्तराष्ट्रिय स्तरमा पहिचान गराउने उदेश्यका भएकोले कार्यक्रम गरिएको हो । पालिका र बिश्वबिद्यालयको सहकार्यमा भएको सेमिनारले शुद्धोधन गाउँपालिकालाई ऐतिहासिक र सांस्कृतिक दृष्टिले समृद्ध बनाउने उपायहरूको विश्लेषण समेत भएको बताए ।

सेमिनारमा प्रस्तुत कार्यपत्रहरूमा शुद्धोदनको शासनकाल, सामाजिक तथा सांस्कृतिक प्रभावहरू र गौतम बुद्धको जीवनका प्रमुख घटनाहरूको अध्ययन वारे ४ वटा कार्यपत्र प्रस्तुत गरिएको थियो ।लुम्बिनी वौद्ध बिश्व बिद्यालयमा उपकुलपति प्रा डा. सुबर्णलाल वज्राचार्यले इतिहासलाई पहिचान गरि अघि बढ्नुपर्ने बताए । जसबाट पहिचान झल्कन्छ र आर्थिक तथा पर्यटन क्षेत्रबाट ठाउँको पहिचान हुनुको साथै सम्बृद्धि हासिल गर्न मद्दत पुग्ने बताए ।
लुम्बिनी वौद्ध विश्व विद्यालयमा लुम्बिनी अनुसन्धान केन्द्रका निर्देशक डा.गितु गिरी कार्यपत्र प्रस्तुत गर्दै भने धार्मिक र आध्यात्मिक दृष्टिले एक विशेष पहिचान प्राप्त गर्न सकिन्छ मानिसहरूको चित्तमा शुद्धता, आत्म विकास र सद्गुणका मूल्यहरू जिवित राख्न सकिन्छ आध्यात्मिक पर्यटनको विकास गर्न सकिने बताए । शुद्धोदनको नाम राखिएको पालिकाले आध्यात्मिक, सामाजिक र सांस्कृतिक दृष्टिले विकास र प्रसारमा महत्वपूर्ण भूमिका खेल्ने बताए । लुम्बिनी वौद्ध विश्व विद्यालयमा वौद्धअध्ययन संकाय भोट वौद्ध अध्ययनका प्रमुख डा. डीमा शेर्पाले कार्यपत्र प्रस्तुत गर्दै राज शुद्धोधनको ईतिहास र शालिक निर्माणपछि ईतिहास बन्ने पछि मार्मिक तथा पर्यटकीय क्षेत्रमा पालीको पहिचान कायम बातए ।
त्यस्तै लुम्बिनी वौद्ध विश्व विद्यालयमा अनुसन्धान केन्द्रका सहायक प्राध्यापक सुमन्त राज न्यौपाने कार्यपत्र प्रस्तुत शुद्धोदन लाई आर्थिक पर्यटनका क्षेत्रमा अब्बल बनाउनको लागी पहिचान दिने खालको व्रान्ड बनाउनु पर्ने बताए । उनले बुद्धका पिताको शालिक निमार्णको साथै यस पालीको व्रान्ड बनाउने र विदेशीलाई बेच्नसके आर्थिक क्षेत्रमा अब्बल पालिका बन्ने बताए ।
कार्यक्रममा जिल्ला समन्य समित रूपन्देहीमा प्रमुख उमाकान्त चपाईले वोल्दै शुद्धोदनलाई चिनाउन शालिक बनाउने मात्र नभएर ईतिहास झल्कने खालका सन्देश पनि ठाउँठाउँमा राख्नुपर्ने बताए । लुम्बिनी प्रदेशका सभासद तुल्सी चौधरीले विश्वले चिनेका गौतम बुद्धलाई नेपालीले चिन्न नसकेको बताए । उनले बुद्धको बिचार सिद्धान्तले चलेका देश र मानिस निकै अघि बढेको समेत चौधरीले बताए । शुद्धोधनलाई चिनाउने र बिकास गर्ने कार्यमा आफ्नो सहयोग निरन्तरता रहने बताए ।
शुद्धोदन गाउँपालिका अध्यक्ष बिष्णु प्रसाद बस्यालले पालिकाले केही गर्दैछ भन्ने सन्देश आम समुदायमा गएको बताए । बिकास निर्माण कार्यमा अब्बल बनाउने उद्देश्यका साथ पालिका लागेको भन्दै सबैको सहयोग र सहकार्यमा भगवान गौतमवुद्धका पिताको शालिक निर्माण गरिने र शुद्धोधलाई नेपालकै अब्बल पालिका बनाउने लक्ष्यका साथ काम भैरहेको बताए ।
सुदोधन गाउँपालिका कपिलबस्तुका अध्यक्ष कमलेशरण चौधरी, गाउँपालिका रूपन्देहीका उपाध्यक्ष शान्तादेबि ज्ञवालीको स्वागत तथा प्रमुख प्रशासकिय अधिकृत बिष्णु बहादुर घर्ती लगायतको कार्यक्रममा सहभागीता थियो ।