खोज

रूपन्देही, १२ चैत ।

नेकपा एमालेले प्रतिगमन आवश्यक नरहेको बताउंदै जनताका बिचमा जनजागरण कार्यक्रम गरेको छ ।नेकपा एमालेले सिद्धार्थनगरका विभिन्न वडा तथा चोकहरूमा प्रतिगमन आवश्यक नरहेको भन्दै बिरोध गरेको हो । सोमबार आयोजित जागरण कार्यक्रममा बोल्दै नेताहरूले देशलाई लोकतान्त्रिक ढंगले अघि बढाउनुपर्ने बताएका छन् ।

नेकपा एमाले निर्वाचन आयोगका केद्रीय सदस्य भरत कुमार पोखरेलले अब निरंकुशका विरुद्ध लड्नु नपर्ला भनेर आफ्नो अभियानमा लागेको तर फेरि ६२ र ६३ को जनआन्दोलनको झल्को दिने गरी सडकमा आउनुपरेको बताए ।

पूर्व राजाले अब पालो आयो भनेको के हो ? भन्दै पोख्रेलले प्रश्न गरे । के को साथ चाहिएको हो ? कहिले तुलसी गिरी कहिले डेट एक्स्पायर नवराज बोकेर के गर्न खोजेको हो के आसय हो भन्दै प्रश्न गर्नुभयो । अब यो उमेरमा शासन गर्ने बिचार पलाएको भए त्यो सम्भव नभएको उनले बताए ।

नेकपा एमालेका लुम्बिनी प्रदेश कमिटी सदस्य हरि प्रसाद अधिकारीले जनताका बिचमा गएर नै नेकपा एमालेले २०७४ सालमा नेकपा एमालेले सिद्धार्थनगरमा बहुमत ल्याएको बताए ।

नेकपा एमाले रूपन्देही जिल्ला कमिटीका उपाध्यक्ष हितराज पन्थीले प्रतिगमन तिर फर्कन सम्भावना नभएको बताउंदै प्रतिगमन आउँछ भन्नू दिवा सपना भएको बताए । मानव जातीलाई संसारकै उत्कृष्ट बनाउने गरि मुलुकलाई स्वाभिमान बनाउने अहिले रास्ट्रिय स्वाधिनता चाहेको बताए । बेरजगारी अन्त्य गर्ने गरि देशलाई स्वावलम्बन गराउने गरि अघि बढनु पर्ने उनको भनाइ थियो ।

नेकपा एमाले सिद्धार्थनगरका नगर अध्यक्ष चक्र बहादुर थापा, रूपन्देही जिल्ला सदस्य उमा अधिकारी, जिल्ला सदस्य कमिटी सदस्य सीता काफ्ले लगायतले मन्तब्य राखेका थिए ।

अन्य चोकहरूमा भएका बिरोध कार्यक्रममा जिल्ला कमिटी सदस्यहरू थानेश्वर पौडेल, लक्ष्मी केसी, सागर अधिकारी, कृष्ण मल्ल ठकुरी लगायतका नेताहरूले मन्तव्य राखेको नेकपा एमाले सिद्धार्थ नगरका सचिब उमेश थापाले बताए ।