© २०२३
६ बैशाख २०८२, शनिबार
६ बैशाख २०८२, शनिबार
बुटवल, ११ चैत। रुपन्देही जारी २३ अौ तिलोत्तमा गोल्डकप प्रतियोगितामा संकटा एफसी अन्तिम चारमा स्थान बनाएको छ। सोमबार भएको खेलमा जर्जियन एफसी भारतलाई ४-० गोल अन्तरले पराजित गर्दै संकटा अन्तिम चारमा स्थान बनाएको हो ।
देविनगरस्थित एन्फा टेक्निकल खेलमैदानमा भएको रोमान्चक खेलमा संकटाको जितमा सृजनराज गौतम नायक रहे। उनले प्रतियोगिताकै पहिलो ह्याट्रिक सहित टिमलाई विजयी दिलाए।खेलको ४० मिनेटमा गौतमले गोल गर्दै टिमलाई खाता खोले।डिबक्स नजिक निर्मल घिसिङको पासमा सृजनराज गौतमले जर्जियनका किपर विबेक राईलाई बिट गर्दै सेकेन्ड बारबाट जाली चुमाए।
पहिलो हाफ १ गोलको अग्रता लिएको संकटा दोस्रो हाफमा झन आक्रमक खेल प्रस्तुत गर्दै ३ गोल थप्न सफल भयो। खेलको ८६ अौ मिनेटमा सृजनराज गौतमले गोल थपे। वन भर्सेज वनमा गौतमले जर्जियनका किपर विबेक राईलाई बिट गर्दै ब्यक्तिगत दोस्रो गोल गरे। खेलको ईन्जुरी समयमा गौतमले थप दुई गोल गर्दै आफ्नो ह्यट्रिक पुरा गरे।मंगलबार मच्छिन्द्र एफसी र भारतको एडोर्न गडवाल स्पोर्टिङ क्लबका बिचमा अन्तिम क्वाटरफाईनल खेल हुनेछ।
© २०२३
सर्वाधिकार सुरक्षित
Design & Developed By:
