© २०२३
१४ चैत्र २०८१, बिहीबार
१४ चैत्र २०८१, बिहीबार
बाँके,११ चेत्र ।
बाँकेको नौवस्ता औद्योगिक क्षेत्र अतिक्रमण गरी बनाएका घर टहरा हटाउन सुरु गरिएको छ । बाँकेको बैजनाथ गाउँपालिका वडा नम्बर ३ मा लुम्बिनी प्रदेश स्तरीय ‘नौवस्ता औद्योगिक क्षेत्र निर्माण गर्नका लागि अटिक्रमण हटाउन सुरु गरिएको छ । जग्गा सिमांकन गर्न खोज्दा यसअघि विवाद भएको थियो । औद्योगिक क्षेत्रको जग्गा सिमाङ्कनमा विवाद उत्पन्न भएपछि गत बिहीबार जिल्ला प्रशासन कार्यालय बाँकेमा बसेको सर्वदलीय तथा सर्वपक्षीय बैठकले सोमबारबाट जग्गा सिमांकन गर्ने सहमति गरेको थियो । जग्गाको सिमांकन स्वरूप सोमबार मानव बस्ती र औद्योगिक क्षेत्रको जग्गाको बिचबाट बाटो खोल्न अतिक्रमित क्षेत्र खाली गराउन सुरु गरिएको हो ।
औद्योगिक क्षेत्र निर्माण स्थलमा अहिले दुई वटा जेसिबी प्रयोग गरेर ठाउँ खाली गराउन सुरु गरिएको छ । औद्योगिक क्षेत्र व्यवस्थापन लिमिटेडका महाप्रबन्धक पदम ओलीले सर्वदलीय र सर्वपक्षीय निर्णय अनुसार खाली गराउन सुरु गरिएको बताए । ‘स्थानीय बासिन्दालाई सम्झाउने बुझाउने काम पनि गरेका छौँ,’ ओलीले भने ‘औद्योगिक क्षेत्रको एरिया बाहेक हामीहरू बाहिर जाँदैनौँ ।’ घर, टहरा हटाउन ठुलो संख्यामा सुरक्षाकर्मी परिचालन गरिएको छ ।
© २०२३
सर्वाधिकार सुरक्षित
Design & Developed By:
