काठमाडौं, ६ चैत ।
बुधबार पनि सेयर बजारमा गिरावट देखियो। अघिल्लो दिनको ७.६ अङ्कको घटोट पछि आज १४.८ अङ्कको गिरावट आयो। तर, बजार घट्दा कारोबार रकम भने बढेको छ। अघिल्लो दिन ४ अर्ब ३४ करोडको कारोबार भएकोमा आज ५ अर्ब १४ करोडको कारोबार भएको छ।
५३ कम्पनीको मूल्य बढ्दा १८३ कम्पनीको मूल्य घटेको छ, भने ७ कम्पनीको मूल्य स्थिर रहेको छ। होटल र पर्यटन क्षेत्र ०.१० प्रतिशत र व्यापार क्षेत्र ०.६० प्रतिशत बढे पनि अरु सबै क्षेत्रका सूचक घटेका छन्।
फाइनान्स सेक्टर सबैभन्दा धेरै १.५३ प्रतिशत घटेको छ, त्यसपछि बैंकिङ ०.५६, विकास बैंक ०.१३, हाइड्रोपावर ०.६७, लगानी ०.४९, जीवन बीमा १.४८, उत्पादन ०.३३, माइक्रोफाइनान्स ०.४८, निर्जीवन बीमा ०.५१, र अन्य सेक्टर ०.५१ प्रतिशत घटेका छन्।
मिथिला लघुवित्तको मूल्य सबैभन्दा धेरै ९.३ प्रतिशत बढेको छ, त्यसपछि भूगोल इनर्जीको ७.३ र ग्रीन डेभलपमेन्ट बैंकको ७ प्रतिशत मूल्य बढेको छ।
कारोबार रकमको आधारमा हिमालयन रिइन्स्योरेन्स, एनआरएन इन्फ्रास्ट्रक्चर, नेपाल पुनर्बीमा, ग्रीन डेभलपमेन्ट बैंक र हिमालयन पावर पार्टनर शीर्ष स्थानमा रहेका छन्।
