© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौँ, ५ चैत ।
सहरी विकास मन्त्रालयले चालु आर्थिक वर्षमा १७.९३ प्रतिशत बजेट खर्च गरेको जानकारी दिएको छ। मन्त्रालयले आज आयोजित पत्रकार सम्मेलनमा उक्त तथ्य सार्वजनिक गरेको हो।
सहरी विकास मन्त्रालयका सहसचिव एवम् प्रवक्ता नारायण मैनालीका अनुसार, २०८१/८२ आर्थिक वर्षमा मन्त्रालयको कुल बजेट ९१ अर्ब ३५ करोड २३ लाख रुपैयाँ रहेको छ। यसमध्ये संघीयतर्फ ६८ अर्ब २५ करोड ८३ लाख ३९ हजार रुपैयाँ विनियोजन गरिएको थियो।
मन्त्रालयका अनुसार, हालसम्म कुल बजेटको १७.९३ प्रतिशत, अर्थात् १२ अर्ब २४ करोड ३ लाख ८७ हजार रुपैयाँ खर्च गरिएको छ।
यस वर्षको सहरी पूर्वाधार र भवन निर्माणका विभिन्न कार्यक्रमहरूको कार्यान्वयन जारी रहेको जानकारी पनि दिइएको छ। ३,७१६ नयाँ कार्यक्रमहरूमध्ये १,६२३ वटामा बोलपत्र आह्वान भइसकेको छ, र १,०९८ वटामा ठेक्का सम्झौतासमेत भइसकेको छ। यी कार्यक्रमहरूमध्ये १२४ वटाको निर्माण कार्य पूरा भएको बताइएको छ।
मन्त्रालयका अनुसार, यस वर्ष नेपालगञ्जको सिटी हल, लौकही सभाहल र ललितपुरको मन्त्री निवासको दोस्रो चरणको निर्माणमा उल्लेखनीय प्रगति हासिल भएको छ।
© २०२३
सर्वाधिकार सुरक्षित
Design & Developed By:
