अमेरिकी राष्ट्रपति डोनाल्ड ट्रम्पले एक महत्त्वपूर्ण निर्णय गर्दै, सरकारको सञ्चालित समाचार संस्था ‘भ्वाइस अफ अमेरिका’ (VOA) लाई बन्द गर्ने कार्यकारी आदेशमा हस्ताक्षर गर्नुभएको छ। ट्रम्पले यो निर्णयलाई समाचार संस्था भ्वाइस अफ अमेरिकाको उग्रवादी र विरोधी सामग्रीको विरोधको रूपमा व्याख्या गरेका छन्।
ह्वाइट हाउसले यो आदेशको औचित्य बताउँदै भनेको छ कि, यस कदमले अब अमेरिकाका करदाताहरूको रकम कट्टरपन्थी प्रचारमा खर्च नगर्ने सुनिश्चितता दिनेछ।
यसै बीच, भ्वाइस अफ अमेरिकाका निर्देशक माइक अब्रामोविट्जले आफू र संस्थाका झण्डै 1,300 कर्मचारीलाई तलबी बिदामा राखिएको जानकारी दिएका छन्।
स्मरणीय कुरा के हो भने, भ्वाइस अफ अमेरिका सन् 1942 मा नाजी र जापानी प्रचारको प्रतिरोध गर्न स्थापना गरिएको थियो र अहिले यसले रेडियो, टेलिभिजन र अनलाइन प्लेटफर्महरूमा धेरै भाषामा समाचार र कार्यक्रमहरू सञ्चालन गर्दै आएको छ।
