उत्तरी म्यासेडोनियाको कोकानी सहरस्थित पल्स क्लबमा आइतबार बिहान भएको भीषण आगलागीमा कम्तीमा ५९ जनाको मृत्यु भएको छ भने १५० भन्दा बढी घाइते भएका छन्। घटनामा १० जनालाई पक्राउ गरिएको छ, जसमा कन्सर्टको लागि इजाजतपत्र दिने मन्त्रालयका अधिकारीहरू पनि छन्।
आगलागी स्थानीय समयानुसार करिब २:३० बजे भएको थियो, जब म्यासेडोनियाको लोकप्रिय डीएनके ब्यान्डको कन्सर्टमा लगभग ५०० जना उपस्थित थिए। आगलागी हुँदा ब्यान्डका एक सदस्य मात्र बच्न सफल भएका थिए र उनको अस्पतालमा उपचार भइरहेको छ।
आन्तरिक मामिला मन्त्री पेन्स तोस्कोभस्कीले घटनाबारे जानकारी दिँदै भने, “आगलाई आतिशबाजीका उपकरणबाट निस्किएको झिल्कोले सुरु गरेको पाइएको छ, जसले अत्यधिक प्रज्वलनशील पदार्थबाट बनेको छतमा आगो लगाएको हो।”
घटना स्थल म्यासेडोनियाको राजधानी स्कोप्जेबाट लगभग १०० किलोमिटर टाढा रहेको छ। घटनाको अनुसन्धान जारी रहेको र थप व्यक्तिहरूलाई हिरासतमा लिइएको छ।
