दाङ, २ चैत ।
दाङको तुलसीपुरमा ट्याक्टरको ठक्करबाट एक बालिकाको मृत्यु भएको छ । मृत्यु हुनेमा सल्यान छत्रेश्वरी गाउँपालिका २ घर भई तुलसीपुर उपमहानगरपालिका–९ गौरीशंकर टोलमा अन्टिको कोठामा बस्दै आएकि ९ वर्षकी दिपशिखा ओली रहेको प्रहरीले जनाएको छ ।
अन्टि संगिता खड्काको कोठामा बस्ने दुर्गाप्रसाद ओलीको छोरी दिपशिखालाई बाटो काट्ने क्रममा ट्याक्टरले ठक्कर दिदा टाउको र मुखमा चोट लागेको थियो । उनको घटनास्थलमै मृत्यु भएको इलाका प्रहरी कार्यालय तुलसीपुरका प्रहरी प्रवक्ता सुर्य रानाले जानकारी दिए ।
बालिकाको शब घटना स्थलमै रहेको प्रहरी प्रवक्ता रानाले बताए । तुलसीपुर उपमहानगरपालिका–९ गौरीशंकर गौरीशंकर टोल देखी अटो भिलेज तर्फ जाँदै गरेको रा १ त ३२३९ नंम्बरको खाली ट्याक्टले पैदल यात्री दिपशिखालाई ठक्कर दिदा उनको घटनास्थलमै मृत्यु भएको प्रहरीले जनाएको छ ।
ट्याक्टर इलाका प्रहरी कार्यालय तुलसीपुरले नियन्त्रणमा लिएको छ । चालक फरार रहेको र खोजीकार्य जारी रहेको प्रवक्ता रानाले जानकारी दिए । आफन्तले आक्रोशमा आइ दुर्घटना क्षेत्रमा आन्दोलन गरेका छन् । घटना बारे थप अनुसन्धान भइरहेको प्रहरीले जनाएको छ ।
२२ मंसिर २०८२, सोमबार
