खोज

बुटवल, ०१ चैत्र ।
बिहीबार मार्च १३, विश्व मृगौला दिवस । बुटवलमा विभिन्न संघसंस्थाहरूको अगुवाईमा सचेतना ¥याली निकालियो । ¥यालीमा स्वयंसेवी रूपमा खटिएका थिए बुटवलका कृष्ण मल्ल, उनी ¥याली व्यवस्थापन र फोटो खिच्नमा व्यस्त देखिए । सेतो टिसर्ट र विभिन्न सचेतनामुलक प्लेकार्डसहितको ¥याली बुटवलको मुख्य राजमार्ग हुदै ट्राफिक चोक पुगेर कोणसभामा परिणत भयो । उनी भने सहभागी र बाटामा भेटिएकाहरूलाई मृगौला रोगबारे जानकारी दिँदै हिँडेका थिए । मृर्गौला खराब हुनभन्दा अघि के हुन्छ ? कसरी थाहा पाउने ? भन्ने कुरा सुनाउदै थिए ।

७ वर्षदेखि डायलाइसिस गर्दै आएका उनी आफू जस्तै अरूलाई यो रोग नलागोस भन्ने कामना गर्छन । लागि हालेका बिरामीहरूलाई आवश्यक उपचार प्रक्रियाबारे ज्ञान दिन उनी संस्थागत रूपमा लागेका छन । बिसं २०७८ सालदेखि मृगौला तथा मुटु पीडित सरोकार समाज नेपाल आफ्नो अगुवाईमा गठन गरे । मृगौला फेल भएका बिरामीलाई प्रोत्साहन दिन उनी सधै अगाडी हुन्छन । उनको यो सामाजिक काममा कार्यसमिति र स्थानीय सरकारबाट समेत सहयोग भएको छ । रामनगरमा कार्यालय स्थापना गरेका छन् । निर्माण सामग्री पसलमा काम गर्ने उनी अहिले भने आफ्नो स्वास्थ्य र समाजसेवामा अग्रसर छन । दुरदराजका बुटवलमा डायलाइसिस गर्न आउने बिरामीलाई खाना र छानाको सहयोगमा उनको संस्था जुटेको छ । आफुले भोगेको पीडा अरूलाई नपरोस भन्ने भावनाका साथ उनको समूह सामाजिक रूपमा लागेका छन ।

संस्था स्थापना गरेर आफुजस्ता धेरै बिरामीहरूको उपचारमा सहयोग गर्दै आएका छन । ‘हामी विभिन्न दाताहरूसंग सहयोग जुटाएर सचेतना फैलाउने, उपचार पद्धतिबारे प्रक्रिया सिकाउने काम गर्छौ,’ उनले भने । रूपन्देही जिल्लाका ७ सय सदस्यहरू संस्थामा आवद्घ रहेको उनले बताए । रूपन्देहीमा हाल डायलाइसिस गर्ने बिरामीहरू १ हजार बढि छन । सरकारबाट डायलाइसिस वापतको २५०० रूपैयाँ सहयोग हुँदै आएको तथा बाँकी खर्च भने बिरामी आफैले व्यहोर्नुपर्छ । यसैगरि नेपाल सरकारको बीमा गरेको अवस्थामा १ लाख रूपैयाँ बराबर उपचार खर्चमा लगाउन मिल्ने बारे समेत धेरैलाई ज्ञान नहुने उनले बताए । यस्ता कुराहरू बताउने र सहयोगमा आफूहरू लागेको उनी बताउँछन ।