बर्दिया
बर्दियामा जङ्गली हात्तीको आक्रमणबाट एक वृद्धाको मृत्यु भएपछि आक्रोशित स्थानीयवासीले पूर्व-पश्चिम राजमार्ग अवरुद्ध गरेका छन्। भुरीगाउँ-चिसापानी सडक खण्डको बलाटी भन्ने ठाउँमा स्थानीयवासीले राजमार्ग अवरुद्ध गरेका छन्।
मानव-वन्यजन्तु द्वन्द्व कम गर्न दिगो समाधानको माग गर्दै स्थानीयवासीले राजमार्ग अवरुद्ध गरेका छन्। राजमार्ग अवरुद्ध भएपछि लामो तथा छोटो दूरीको यातायात ठप्प भएको छ। सडक सुरक्षाका लागि नेपाल प्रहरी, सशस्त्र प्रहरी बल र नेपाली सेनाका टोलीहरू खटिएका छन्।
यसैबीच, सडक अवरुद्ध खुलाउन स्थानीयवासीसँग वार्ता गरी बाटो खुलाउन प्रयास भइरहेको छ। बर्दिया राष्ट्रिय निकुञ्ज प्रशासन र स्थानीयवासीबीच वार्ता गरी राजमार्ग खुलाउन प्रयास भइरहेको प्रमुख जिल्ला अधिकारी रुद्रादेवी शर्माले बताइन्।
गएराति ठाकुरबाबा नगरपालिका वडा नम्बर २, बलाटीका ७१ वर्षीय बोलिराम थारुको हात्तीको आक्रमणबाट मृत्यु भएको छ। राति आफ्नो घर नजिकैको खेतमा हात्तीले गहुँ खाएको थाहा पाएपछि उसलाई धपाउन निस्केका एक थारुलाई हात्तीले मारेको थियो।
२८ मंसिर २०८२, आइतबार
