खोज

लमही ,२४ फागुन ।

लुम्बिनी प्रदेशका मुख्यमन्त्री चेतनारायण आचार्यले स्वास्थ्यकर्मीहरूलाई उच्च मनोबलका साथ जनसेवामा समर्पित हुन आह्वान गरेका छन।

राष्ट्रिय स्वास्थ्यकर्मी महासंघ नेपाल, लुम्बिनी प्रदेश समितिको दोस्रो अधिवेशन उद्घाटन समारोहलाई सम्बोधन गर्दै उनले नागरिकलाई गुणस्तरीय स्वास्थ्य सेवा प्रदान गर्न सरकार प्रतिबद्ध रहेको स्पष्ट पारे।

उनका अनुसार प्रदेश सरकारले ऐन, नीति र नियममार्फत कर्मचारीहरूको वृत्तिविकासका लागि मार्ग खोलिसकेको छ। साथै, सरकार कुनै पनि पेशाकर्मीलाई निरुत्साहित नगर्ने, बरु प्रोत्साहित गर्दै अघि बढ्ने बताए।“प्रदेश सरकारले कुनै पनि पेशाकर्मीलाई निरुत्साहित गर्दैन, बरु प्रोत्साहित गरेर सेवामा समर्पित हुने वातावरण निर्माण गरेको छ।” — मुख्यमन्त्री आचार्य भने ।

उनले निजामती सेवा ऐन र स्थानीय सेवा ऐन कार्यान्वयनका लागि नियमावली निर्माण अन्तिम चरणमा पुगेको जानकारी गराउँदै त्यसमा कर्मचारीहरूको भावना समेटिने बताए।

मुख्यमन्त्री आचार्यले सामाजिक न्याय र पेशागत मर्यादा संरक्षणका लागि स्वास्थ्यकर्मीहरू एकजुट हुनुपर्ने आवश्यकता औंल्याए।

त्यस्तै, नेतृत्वमा पुगेका व्यक्तिहरूले आफ्नो मूलभूत जिम्मेवारी पूरा गर्नुपर्ने उल्लेख गर्दै संगठनका नेता तथा कार्यकर्ताहरू पारदर्शिता र उत्कृष्टताको उदाहरण बन्नुपर्नेमा जोड दिए।