खोज

गुल्मी, २२ फागुन ।
गुल्मीको रेसुङ्गा नगरपालिका –१३ अन्तर्गत भँगारीमा छ लाख ६० हजार मूल्य बराबरका स्थानीय जातका कुखुराहरू वितरण गरिएको छ । भेटेरीनरी अस्पताल तथा पशु सेवा विज्ञकेन्द्र गुल्मीले पोषण सुधारका लागि ग्रामिण कुखुरा पालन कार्यक्रम अन्तर्गत भँगारीस्थित रेसुंगा होमस्टेमा स्थानीयहरूलाई उक्त कुखुरा वितरण गरेको हो ।ग्रामिण क्षेत्रमा स्थानीयहरूलाई रोजगारी सृजना गर्ने, पोषणमा सुधार ल्याउने र पर्यटन प्रवद्र्धनसँगै रेसुङ्गा होमस्टेमा आउने पाहुनाहरूलाई स्थानीय स्वाद चखाउने उद्देश्यले उक्त कुखुराहरू वितरण गरिएको भेटेरीनरी अस्पताल तथा पशु सेवा विज्ञ केन्द्र गुल्मीका प्रमुख एवं बरिष्ट पशु विकास अधिकृत हुमकान्त पाण्डेले जानकारी दिएका छन् ।

कार्यक्रममा रेसुङ्गा नगरपालिका उपप्रमुख अमृतादेवी कुँवरले यस कार्यक्रमबाट ग्रामिण क्षेत्रका महिलाहरूलाई जीविकोपार्जनसँगै आयआर्जन बढाउनका साथै पोषणमा सुधार ल्याउन महŒवपूर्ण सहयोग पुराउने विश्वास व्यक्त गरेकी छन् ।कार्यक्रममा नगर उपप्रमुख कुँवरसँगै वडाध्यक्ष हुमबहादुर बस्नेत, वडा सदस्यहरू यज्ञमूर्ति थापा श्रीस, कमला धुरेल लगायतले स्थानीयहरूलाई निःशुल्क रूपमा कार्यालयको तर्फबाट वितरण गरिएका कुखुराहरू हस्तान्तरण गरेका थिए । भेटेरीनरी अस्पताल तथा पशु सेवा विज्ञकेन्द्र गुल्मीद्वारा प्रदेश सरकारको स्वामित्वमा रहेको कुखुरा विकास फार्म नेपालगञ्जबाट उक्त कुखुराहरू ल्याइएको हो । किसानहरूलाई कुखुराहरू सहित औषधि तथा चाहिने आवश्यक भिटामिनका साथै दाना र पानी खुवाउने भाडा समेत उपलब्ध गराईएको थियो । रेसुङ्गा होमस्टेमा रहेका २५ जना किसानहरूका लागि प्रति घर ५०÷५० का दरले १२ सय ५० कुखुराहरू वितरण गरिएको हो ।