खोज

बुटवल, १५ फागुन । एक्ट्राटेक ओभल क्रिकेट स्टेडियमका प्रबन्ध निर्देशक बिनोद कुँवरले निजि क्षेत्रबाट लगानी भएको खेलमैदान सरकारको सम्पत्ति भएको बताएका छन । रुपन्देहीको तिलोत्तमा–१७ स्थित निर्माणधिन एक्ट्राटेक ओभल क्रिकेट स्टेडियमको स्थलगत अवलोकनमा आएका प्रतिनिधि सभाका शिक्षा, स्वस्थ्य तथा सुचना प्रविधि समितिलाई भ्रमण गराउने क्रममा उनले खेलप्रतिको मयााकै कारण यस क्षेत्रमा लगानी गरेको बताएका छन । ‘ब्यक्तिले शुरु गरेको भएपनि यो सरकारको सम्पत्ति हो, देशकै सम्पत्ति हो ।’– उनले भने ।

विदेशमा बसेर त्यहाको विकासको मोडल बुझेर, सिकेर आफनो देशमा अवधारणा उतार्न प्रयास गरेको भन्दै उनले यसलाई अरुबाट पनि अनुसरण गर्न जरुरी रहेको बताए । ‘विदेशमा विकासको मोडेल निजि क्षेत्रबाट नै हुन्छ ।’–उनले भने । देशलाई विश्व सामु चिनाउने खेल भएको हुदा पनि यसमा लगानी गर्न आफू ईच्छुक भएको बताए । पाच वटा टेष्ट राष्ट्र मान्यता पाएका क्रिकेट देशको छिमेकमा रहेको नेपाल उपलब्धि हासिल गर्ने गरि अघि बढ्न ढिलाई भएको उनले दुखेसो गरे । ढिलै भएपनि आईसिसिबाट मान्यता प्राप्त हुने गरि मैदानको पुर्वाधार तयार हुदै गरेको भन्दै उनले पाच वटा फ्लड लाईट जडान भएको समेत बताए । एकेडेमीको चौथो तल्ला ढलान भैरहेको छ । अभ्यास नेट तयार भएको छ । प्याराफिट बनाउने काम बाकि छ । ढाई वर्षभित्र २५ हजार दर्शक अट्ने प्याराफिट तयार हुने उनले बताए ।

कार्यक्रममा संघिय संसद प्रतिनिधि सभा शिक्षा, स्वस्थ्य तथा सुचना प्रविधि समितिका सभापति अमर बहादुर थापाले सरकारबाट नीजि क्षेत्रमा भएका लगानीलाई आवश्यक सहयोग गर्न जरुरी रहेको बताए । खेल क्षेत्रमा भएको यो लगानी अन्य युवाहरुलाई समेत उदाहरण बनेको भन्दै उनले खेल पर्यटनलाई यसबाट टेवा मिल्ने बताए ।

कार्यक्रममा समितिका सदस्य देवेन्द्र पौडेलले खेल पुर्वाधारमा निजि क्षेत्रबाट भएको लगानीमा नया शुरुवात भएको निजि क्षेत्रबाट अर्थ लगानी भएको स्थलमा सरकारको सहयोग सधै रहने उनले बताए । सरकारबाट आवश्यकता महशुस गरेर नै अध्ययनमा आएको भन्दै यसमा आवश्यक पर्ने सरकारको सहयोगलाई सहजता मिल्ने समेत उनले बताए ।

कार्यक्रममा समितिका छबिलाल बिश्वकर्माले क्रिकेट खेलबाट देशको नाम विश्वमा नै चिनिएको भन्दै यसको पूर्वाधार निमार्णमा भने धेरै ढिला भएको बताए । सरकारको मुख ताक्ने प्रवृत्तिलाई अन्य हुने गरि यो स्टेडियम तयार भैरहेको भन्दै अब अन्य क्षेत्रजस्तै खेलकुदमा गरिएको लगानी समेत ब्यवसायिक बन्नेमा आशाबादी रहेको उनले बताए ।

कार्यक्रममा तिलोत्तमा नगरका प्रमुख रामकृष्ण खाडले स्टेडियमलाई सडक संजाल, विद्युत र सुरक्षा मुख्य आवश्यकता रहेको भन्दै यसका लागि पालिकाबाट पहल गरिरहेको बताए ।

कार्यक्रममा तिलोत्तमा नगरका प्रमुख रामकृष्ण खाडले स्टेडियमलाई सडक संजाल, विद्युत र सुरक्षा मुख्य आवश्यकता रहेको भन्दै यसका लागि पालिकाबाट पहल गरिरहेको बताए ।

कार्यक्रममा उपप्रमुख जागेश्वरी चौधरी, रुपन्देही जिल्ला प्रशासन कार्यालयका प्रमुख जिल्ला अधिकारी बासुदेव घिमिरे, नेपाल पत्रकार महासंघका अध्यक्ष दिनेश पाण्डे, पत्रकार दीपेन्द्र कुवँरले खेलकुलको उर्वरभुमीका रुपमा चिनिएको रुपन्देहीमा नया गहना थपिएको भन्दै यसलाई सरकारबाट आवश्यक सहयोग जरुरी रहेको बताए ।