© २०२३
नेपालगञ्ज, ९ फागुन ।
नेपालगञ्जको राँझा विमानस्थलमा बृहत आपतकालीन पूर्वाभ्यास गरिएको छ । विमानस्थलभित्र जहाज दुर्घटना भएको अवस्थामा विमानस्थल सञ्चालन र आपतकालीन उद्धारमा सरोकारवालाहरुको सक्रियतालाई व्यवहारिक रुपमै अभ्यास गर्न शुक्रबार मध्यान्ह बृहत् आपतकालीन पूर्वाभ्यास गरिएको हो । फायर फाइटर, सेना, सशस्त्र प्रहरी र जनपथ प्रहरी, रेडक्रसका उद्धार टोली विमानस्थलमा आएका थिए । एम्बुलेन्स तथा दमकल समेत तयारी अवस्थामा राखी फुल स्केलको आपतकालीन अभ्यास गरिएको राँझा विमानस्थल कार्यालयले जनाएको छ ।
पूर्वाभ्यासमा एकाएक विमान दुर्घटना भएको दृश्य देखियो । तत्काल दमकल पुगेर आगो निभायो । सुरक्षाकर्मीले घाइतेहरुको उद्धार गरेर अस्पताल पठाएको दृष्य देखाईएको थियो् । पूर्वाभ्यासको समयमा केहीबेर विमानस्थल बन्द गरिएको थियो ।