खोज

चन्द्रौटा (कपिलवस्तु), ४ फागुन ।
‘स्थानीय महटिनिया बाटोमा हिँड्दा खुट्टामा किन ठेस लाग्यो, भनेपछि आफ्नो काम गर्ने मान्छे बोलाइ शिवलिंगा खनाएर लैजान खोज्दा भाले बस्यो । शिवलिंगा बैल गाडी (लरहिया) मा हालेर लैजान खोज्दा गोरु मरेका थिए । बिहान भयो, र उनीहरू यहि छोडेर गएका थिए । बिहान भएपछि स्थानीयले देखेर यहि स्थानमा शिवलिंगा स्थापना गरियो । पछि गाउँले मिलेर मन्दिर निर्माण गयौँ,’ केउँ थारुले भने ।

कपिलवस्तुको बुद्धभुमि नगरपालिका वडा नम्बर–३ स्थित बोक्टापुरमा एक अनौठो शिवलिंगाको चर्चा अहिले स्थानीय तथा टाढा–टाढाका भक्तजनहरूबीच चुलिएको छ । स्थानीय बासिन्दाहरूका अनुसार, सुरुमा जम्मा १ इन्चको रहेको शिवलिंगा अहिले ४ फिटको भइसकेको छ । जसलाई श्रद्धालुहरूले दिव्य चमत्कारका रूपमा लिएका छन् । स्थानीय प्रकाश आचार्यले मन्दिर स्थापना हुनु भन्दा करिब २ सय बर्ष परापुर्वकाल देखि मान्दै आएको यो शिव मन्दिर हो । उनका अनुसार शिव जीले पार्वतीलाई बोकेर पृथ्वी भम्रण गर्दै गर्दा कपाल पत्न भएको दिव्य धाम रहेको जनविश्वास रहेको मान्यता रहेको छ ।

उक्त मन्दिरमा २ जना पुजारी रहेका छन् । शिवालय मन्दिरमा रहेको पुजारी योगी भवानी प्रसाद पुरुषले लठ्ठेश्वर महादेवको उत्पट्टि रहेको बताए । शिवले पार्वती लिएर पृथ्वी अवलोकन गर्ने क्रममा पैत्ला र लट्टा पत्न भएर उत्पट्टि भएको स्थान रहेको पुजारी बताउँछन् । मन्दिर संरक्षण समितिका सचिव विष्णु घिमिरेले यस स्थानको विकासका लागि सबैको सहयोग अपरिहार्य रहेको बताए । उनले मन्दिरसँगै यस क्षेत्रको पर्यटकीय स्थाल बनाउन मन्दिरको विकासमा योगदान पु¥याउनुपर्ने जनाए ।

रहस्यमयी घटनाले बढायो आस्था
स्थानीय केउँ थारुका अनुसार, केही वर्षअघि बाटोमा हिँड्दा कसैको खुट्टामा ठेस लागेपछि शिवलिंगाको अस्तित्व खुलेको थियो । जब त्यसलाई उत्खनन गरेर अन्यत्र लैजान खोजियो, अनौठा घटनाहरू घट्न थाले । शिवलिंगालाई गोरु गाडी (लरहिया) मा राखेर लैजान खोज्दा गोरु अकस्मात मरे, जसले गर्दा त्यसलाई त्यहीँ छोडियो । बिहान भएपछि गाउँलेहरूले यस घटनालाई शिवको ईश्वरीय संकेतका रूपमा लिँदै त्यही स्थानमा नै शिवलिंगाको विधिपूर्वक स्थापना गरे । केही समयपछि स्थानीय गाउँलेहरूको सहयोगमा त्यहाँ एक भव्य मन्दिरको निर्माण गरियो ।

भक्तजनको भीड, चमत्कारीक शक्तिको चर्चा
हाल यो शिवलिंगालाई दर्शन गर्न दैनिक सयौं श्रद्धालुहरू आउने गरेका छन् । महाशिवरात्रि, हरितालिका तीज र सोमबारी पूजाका दिनहरूमा यहाँ ठूलो मेला लाग्ने गरेको छ । स्थानीय कुलानन्द ज्ञवालीका अनुसार, ‘शिवलिंगाले अद्भुत शक्ति दिएको अनुभूति गरेका छौँ । यहाँ आएर पूजा गर्दा भक्तजनहरूले गरेको भाक्ल अनुसार मनोकामना पूरा हुने गरेको अनुभव धेरैले गरेका छन् ।’
यस स्थानको चर्चासँगै धार्मिक पर्यटन प्रवद्र्धन गर्नुपर्ने आवाज उठ्न थालेको छ । स्थानीय प्रशासन तथा जनप्रतिनिधिहरूले यस मन्दिरलाई व्यवस्थित गर्दै धार्मिक स्थलका रूपमा विकास गर्ने योजनामा छलफल गरिरहेको बताएका छन् । यस शिवलिंगाको अनौठो वृत्तान्तले धार्मिक आस्था मात्र नभई कपिलवस्तुको साँस्कृतिक एवं आध्यात्मिक महत्त्वलाई उजागर गरिरहेको छ ।