खोज

बुटवल, ३ फागुन ।

रिभरसाईड ब्याडमिन्टन क्लबले आयोजना गरेको दोस्रो नगस्तरीय (बि लेभल) मेन्स तथा भेट्रान्स डवल ब्याडमिन्टन प्रतियोगिता २०८१ सुरू भएको छ ।

स्वास्थ्यका लागि खेल, राष्ट्रका लागि खेल भन्ने उद्देस्य सहित बुटबल उपमहानगरपालिका १२ मिलनपार्कको कभडहलमा सन्चालित प्रतोयोगितामा ४९ टिमको सहभागिता रहेको खेल संयोजक ढुन्डी खनालले बताए । कार्यक्रममा बोल्दै बुटबल उपमहानगरपालिका वडा नम्बर १२ का वडा अध्यक्ष डिल्ली प्रसाद शर्माले खेलकुद प्रतियोगिताले युवाहरूलाई भाईचारा र विकास निर्माणमा जोड्ने बताए ।

पछिल्लो समय ब्याडमिन्टन खेलले देश बिदेशमा चर्चा पाउने गरेको भन्दै वडा अध्यक्ष शर्माले बुटबल नगरले होस् वा वडाले हरेक खेलकुदको विकाश गर्न सहयोग गर्दै आएको बताए । बुटवल उपमहानगरपालिका वडा नम्बर १३ का वडा अध्यक्ष नाराण प्रसाद पुनले खेलकुद क्षेत्रमा लागेका युवाहरू अनुशासित र लगनशिल हुने बताए ।

रिभरसाईड ब्याडमिन्टन क्लबका अध्यक्ष नाराण सुवेदीले स्थानीय सरकार र खेलप्रेमीहरूको सहयोगमा प्रतियोगिता आयोजना गरिएको बताए । खेलकुद प्रतियोगिताहरूले आम मानिसहरूलाई स्वस्थ रहन सहयोग पुग्ने उनको भनाई छ । प्रतियोगितामा बिजेता मिल्नेमेन्स डवलतर्फ प्रथम हुनेले ३० हजाज कप मेडल प्रमाण पत्र पाउने छन् भने दोस्रो हुनेले २० हजार, कप मेडल प्रमाण पत्र पाउने छन् । तेस्रो हुनेले १० हजार, कप, मेडल प्रमाण पत्र पाउने छन् । भेट्रान्स डबल तर्फ प्रथम हुनेले २० हजार, कप मेडल प्रमाण पत्र पाउने छन् भने दोस्रो हुनेले १२ हजार, कप मेडल प्रमाणपत्र, तेस्रो हुनेले ८ हजार, कप मेडल प्रमाणपत्र पाउने आयोजक रिभरसाईड ब्याडमिन्टन क्लबका पुर्व अध्यक्ष गोपाल पान्डेयले बताए ।