खोज

बुटवल, २ फागुन ।
देशमै ठूलो लगानी र रोजगार सृजना गरेको अटो क्षेत्रमा सरकार उदासिन देखिएको ब्यवासायीहरुले गुनासो गरेको छन । देशकै आर्थिक मेरुदण्ड मानिएको अटो क्षेत्र जोगाउने गरि नीति बनाउनुपर्ने उनिहरुले सुझाव दिए । शुक्रबार नाडा अटोमोबाईल एशोसियसन अफ नेपाल र लुम्बिनी अटोमोबाईल्स एशोसिसयन अफ नेपालको पदाधिकारीहरुबिच भएको अन्तरक्रिया कार्यक्रममा अटो क्षेत्रमा देखिएका जटिलता हटाउने गरि सरकारसंग संस्थागत पहल गर्न ब्यवसायीहरुले आग्रह गरे । कार्यक्रममा नाडा अटोमोबाईल एशोसियसन अफ नेपालका अध्यक्ष करण कुमार चौधरीले बिलासिताको बस्तुबाट हटाएर अटो क्षेत्रलाई उत्पादनशिलमा लैजानुपर्ने बताए । ‘सरकारले अटो क्षेत्रलाई उत्पादनशिल क्षेत्रमा राख्नुपर्छ ।’– उनले भने । बजेट सुझावमा प्रत्येक पटक भन्सार घटाउने बिषय पर्ने गरेको भएपनि त्यो सुनुवाई नभएको उनले गुनासो गरे । उत्पादनशिल क्षेत्रमा राखिएमा स्वत यो सहि दिशामा जाने उनले तर्क गरे । एउटा आयातकर्ता शोरुम बनाउदा ९ करोड रुपैया खर्च गर्ने भन्दै देशमा रहेका ५ सयभन्दा बढि शोरुममा हजार करोड रुपैया बढी लगानी रहेको उनले बताए । हाल प्रत्यक्ष २७ सय बढी ब्यवसायीहरुले १ लाख युवाहरुलाई रोजगार दिन सफल भएको छ भने अप्रत्यक्ष १० लाख रोजगार दिन सफल भएको उनले बताए । सरकारको नीति नै विधुतिकरणमा रहेको हुदा पनि त्यसमा आकर्षण र माग रहेको उनले बताए । ब्यवसायीहरुको योगदानको पछिल्लोसमय सरकारबाट थोरै भएपनि मुल्यांकन भएको उनले बताए। सरकारबाट अध्यादेशमार्फत सम्बोधन भएको भन्दै ब्यवसायीहरु स्वच्छ बन्न सके स्वत अटो ब्यवसायमा सुधार आउने उनले बताए। अनावश्यक अनुगमन र ब्यवसायीहरुलाई ह्यारेसमेन्ट गर्ने कामको बिरुद्ध आफुहरु लाग्ने उनले बताए ।

कार्यक्रममा लुम्बिनी अटोमोबाईल्स एशोसिसयन अफ नेपालका अध्यक्ष गणेश भट्टराईले कुल राजश्वमा २१ प्रतिशत योगदान दिएको अटो क्षेत्रप्रति सरकारको दृष्टिकोण फरक रहेको बताए । बजार अनुगमनको नाममा सरकारबाट ज्यादती गरेको उनले आरोप लगाए ।
कार्यक्रममा लुम्बिनी प्रदेशका उपाध्यक्ष नरेन्द्र वलीले केन्द्र र प्रदेश बिच अन्तरक्रिया कार्यक्रम गरिएको छ । ठूलो लगानी र योगदान दिएको क्षेत्रप्रति राज्य उदार बनेको आरोप लगाए । ब्यवसायीलाई तस्करको रुपमा व्यवहार गरेको सरकार नै तस्कर गरिरहेको उनले आरोप लगाए । ब्यवसायप्रति दमन गर्ने काममा सरकार लागेको उनले आरोप लगाए । नक्कली सामानको बजारमा बिगबिगि रहेको हुदा यो रोक्नेतर्फ ब्यवसायीहरु लाग्नुपर्ने उनले आग्रह गरे ।

कार्यक्रममा महासंघका केन्द्रिय उपाध्यक्ष राजनबाबु श्रेष्ठ, महासंघका महासचिव सुरेन्द्र कुमार उप्रेतीले संस्थागत र ब्यक्तिगत दक्षता विकासमा लाग्नु सुझाव दिदै ब्यवसायलाई मर्यादित बनाउने गरि लाग्न सुझाव दिए ।