खोज

चन्द्रौटा(कपिलवस्तु), १ फागुन ।

लुम्बिनी प्रदेश सभा सदस्य एवं् वन तथा वातावरण पूर्वमन्त्री अर्जुन कुमार केसीले उद्यमी महिलाका उत्पादन गर्ने बताएका छन् । कपिलवस्तुको शिवराज नगरपालिका वडा नम्बर ३, खरेन्द्रपुरमा बुधबार आयोजित एक कार्यक्रमलाई सम्बोधन गर्दै उनले यस्तो बताएका हुन् ।

दैनिक उपभोग्य वस्तु बाहिर खरिद गर्नुभन्दा स्थानीयले उत्पादन गरेका वस्तु खरिद गर्दा बजारीकरणमा टेवा पुग्ने समेत उनले जनाए । “हामी दैनिक उपभोग्य सामग्री बाहिरबाट खरिद गर्छौं, तर यदि स्थानीय उत्पादनलाई प्रोत्साहन ग¥यो भने उद्यमशील महिलालाई आर्थिक रूपमा सशक्त बनाउन सकिन्छ,” केसीले भने । पूर्वमन्त्री केसीले स्थानीय उत्पादित सामग्रीहरूको बजारीकरणलाई प्रवद्र्धन गर्नुपर्ने उल्लेख गर्दै भने, “स्थानीय उत्पादनलाई प्राथमिकता दिँदा न केवल उत्पादक महिलाहरूको आम्दानी बढ्छ, बरु समग्रमा समुदायको आर्थिक गतिविधि पनि वृद्धि हुन्छ ।”

यसैबीच शिवराज नगरपालिकाका मेयर अजय थापाले सीप सिकेर उत्पादनमूलक कार्यमा जोडिएकोले आत्मनिर्भर हुने विश्वास व्यक्त गरे । यस्तै उपपमेयर शिवकुमारी थारुले सरकारले महिला उद्यमशीलताको विकासका लागि नीति तथा कार्यक्रम ल्याउनुपर्ने आवश्यकता औंल्याइन् । नगरपालिकाका प्रशासकीय अधिकृत बाबुराम पौडेलले स्थानीय उत्पादनलाई प्रभावकारी बनाउन सबैको सहकार्य जरुरी रहेको बताए । यसैगरी वडा नम्बर ३ का वडा अध्यक्ष टेकलाल सापकोटाले महिलाहरुको विकास गर्न आवश्यक रहेको बताए । सीप विकाससँगै आम्दानीको पाटोलाई मजबुत बनाउन वडा कार्यालय प्रतिबद्ध रहेको उनले जानकारी दिए ।

मिलिजुली महिला विकास बचत तथा ंऋण सहकारी संस्थाको आयोजना र शिवराज नगरपालिका वडा नम्बर ३ को सहयोगमा सात दिने फिनाइल तथा हर्पिक बनाउने तालिम कार्यक्रममा सहभागी उद्यमशील महिलाहरूले आफ्ना उत्पादनलाई बजारसम्म पु¥याउन विभिन्न चुनौतीहरू रहेको बताए । उनीहरूले सरकारले अनुदान, तालिम र बजार व्यवस्थापनमा सहयोग गरेमा महिलाहरू अझ आत्मनिर्भर हुनसक्ने बताएका छन् । यसैबीच स्थानीय सरकारका प्रतिनिधिहरूले पनि उद्यमशील महिलाहरूलाई आवश्यक नीति तथा कार्यक्रममार्फत सहयोग गर्ने प्रतिबद्धता जनाएका छन् । त्यसैगरी व्यापार संघ केन्द्रीय सदस्य महादेव पोखे्रल, उद्योग वाणिज्य संघ चन्द्रौटाका अध्यक्ष ईश्वरी प्रसाद पाण्डे, दिपा अधिकारी र अनिता भुसाल लगायतले कार्यक्रमलाई सम्बोधन गरेका थिए ।