खोज

लमही (बुटवल टुडे), ३० माघ– दाङका स्वर्गद्दारी गुठिपीडित आफूहरूले न्याय नपरेको भन्दै संघीय राजधानीको माइतिघरमा आन्दोलित छन । लामो समयदेखि दाङमा आन्दोलन गरे पनि सुनुवाइ नभएको भन्स उनीहरू काठमाडौं केन्द्रित आन्दोलन गर्दै आएका छन् । यति बेला दाङाका सभासद्हरूको ध्यान उनिहरूतिर तानिन थालेको छ । पूर्व सूचना तथा सन्चार मन्त्री रेखा शर्मा र सत्तारुढ दल नेपाली कांग्रेसका सांसद दीपक गिरीले स्वर्गद्वारी गुठी संरक्षण हुने गरी आन्दोलनरत मोही किसानहरूलाई न्याय प्रदान गर्न माग गरेका छन् ।
वास्तविक मोही किसानको पक्षमा भएको सहमतिअनुसार सरकारले यथाशीघ्र न्याय प्रदान गर्नुपर्ने उनीहरूको माग छ ।

‘स्वर्गद्वारी आस्थाको धरोहरका रूपमा रहेको छ । यसको संवद्र्धन र प्रवर्दनका लागि सरकारको चासो रहनुपर्छ’ प्रतिनिधिसभाको बैठकमा बोल्दै सासद दिपक गिरिले भने । सरकारले आफूसँग गरेको सम्झौता कार्यान्वयन नगरेको भन्दै यही माघ २० गतेदेखि स्वर्गद्वारी गुठी पीडितहरू आन्दोलनमा छन् ।मोही किसानहरूलाई मोही पूर्जा प्राप्त भए पनि जमिन प्राप्त हुन नसकेकाले आन्दोलन गर्नुपरेको उनीहरूको भनाइ छ ।

नेपाली कांग्रेसका केन्द्रीय सदस्य समेत रहेका गिरीले वास्तविक मोही किसानको पक्षमा सहमति अनुसार सरकारले उनीहरूलाई न्याय प्रदान गरोस् भन्ने माग गरेका हुन् । उनले तपोभूमि, आस्थाको धरोहर स्वर्गद्वारी आश्रमको जमीन अन्य कुनै संघसंस्था वा नक्कली मोहीले भोग चलन गरिरहेका छन् भने त्यसको पनि छानबिन गर्न उनले माग गरे ।

‘स्वर्गद्वारी आश्रमको दाङ देउखुरी र घोराही लगायतमा रहेको जग्गा यदि कुनै संघसंस्थाले वा गैरमोही किसानका नाममा भोगचलन भइरहेको छ भने त्यसको पनि राज्यले खोजतलास गरोस् । गुठीको जमीन कुनै पनि भू माफियाले उपभोग गर्न पाउनु हुँदैन’ उनले भने ।

२०८० साल चैत ७ गते बीच भूमिसुधार तथा व्यवस्था मन्त्रालय र स्वर्गद्वारी गुठी पीडित भूमि किसान संघर्ष समिति बीच सहमति भएको थियो । जसमा मोही किसानको माग लाई सम्बोधन गर्ने गरी सरकारले एकीकृत नयाँ कानून तर्जुमा गर्ने भनिएको थियो । तर उक्त सहमति लागू नभएको भन्दै स्वर्गद्वारी गुठीका मोही किसानहरूले काठमाडौँ केन्द्रित आन्दोलन गरिरहेका छन् । दाङमा स्वर्गद्वारी आश्रमको स्वामित्वमा रहेको एक हजार पचास बिघा जग्गामध्ये ७ सय ५३ बिघामा मोही लागेको छ ।