दाङ, माघ २६ ।
दाङमा भरुवा बन्दुकको गोली लागेर एक बालकको मृत्यु भएको छ। तुलसीपुर उपमहानगरपालिका वडा नम्बर ३ तुलसाम्बामा बरुवा बन्दुकको गोली लागेर आठ वर्षीय भुवन केसीको मृत्यु भएको जिल्ला प्रहरी कार्यालय दाङले जनाएको छ।
भरुवा बन्दुक प्रहार गरी भाइको हत्या गरेको आरोपमा प्रहरीले मृतक भुवनका भाइ १० वर्षीय शिशिर केसी र बन्दुक लोड गर्ने मृतकका हजुरबुबा ६२ वर्षीय भूपेन्द्र खत्रीलाई हिरासतमा लिएको जिल्ला प्रहरी कार्यालय दाङका प्रहरी निरीक्षक कविराज रोकायाले जानकारी दिए।
प्रहरी निरीक्षक रोकायका अनुसार शनिबार बिहान ११ बजेतिर शिशिर खेलिरहेको बेला घरमा राखिएको लोडेड बन्दुक पड्किँदा भाइ भुवनलाई गोली लागेको थियो। घटनास्थलबाट प्रहरीले लोड गरिएको बन्दुक, ४ वटा गोली र ३२८ वटा गोली बरामद गरेको जिल्ला प्रहरी कार्यालय दाङका प्रहरी प्रवक्ता तथा प्रहरी नायब उपरीक्षक चक्रबहादुर शाहले जानकारी दिए। घटनाको थप अनुसन्धान भइरहेको छ।
गत जनवरी ३ मा पनि दाङमा आफ्नै साथीको गोली हानी हत्या गरेको आरोपमा प्रहरीले दुई जनालाई पक्राउ गरेको छ। जिल्लाको दङ्गीशरण गाउँपालिका-२ कौवाघारीका २५ वर्षीय प्रेम कुसारीको गोली हानी हत्या गरेको आरोपमा दाङ प्रहरीले सोही ठाउँका २२ वर्षीय छबिलाल डाँगी र २७ वर्षीय पुष्पलाल बस्नेतलाई पक्राउ गरी अनुसन्धान गरिरहेको छ।
२७ मंसिर २०८२, शनिबार
