© २०२३
बुटवल, २१ माघ । तिलोत्तमा नगरपालिकास्थित मगरघाट शवदाहमा निमार्णको अन्तिम चरणमा रहेको आधुनिक शवदाह गृह हस्तान्तरण गरिने भएको छ । रोटरी क्लब अफ बुटवलको मुख्य परियोजना अन्तरगत पर्यावरणमैत्री शवदाह गृह फागुनको पहिलो हप्ता ब्यवस्थापन समितिलाई हस्तान्तरण गरिने भएको हो ।
फागुन ८ गते रोटरी डिष्ट्रिक ३२९२ का वर्ष २०२४/२०२५ का डिजि राजेन्द्रमान शेरचन र तिलोत्तमा नगरपालिकाका नगरप्रमुख रामकृष्ण खाँडबाट कार्यक्रम गरि हस्तान्तरण गर्ने रोटरी क्लब अफ बुटवलको १५५१ औ नियमित बैठक तथा चौथौ क्लब एसेम्बलीले निर्णय भएको छ । यस क्षेत्रमा समुदायको आवश्यकता र माग अनुसार महत्वपूर्ण र धेरै सामाजिक कार्यहरु भएको क्लबका अध्यक्ष प्रज्वल थान्जु बताउछन ।
विगत लामोसमयदेखीको आवश्यकताका रुपमा रहेको आधुनिक शवदाह गृह निमार्ण पुरा भएको हुदा हस्तान्तरणको तयारी भएको उनले बताए । यसैगरि सोही दिन ज्ञानोदय माबिमा ३० वटा कम्प्युटर, सर्वर र स्मार्ट टिभी हस्तान्तरणसमेत गरिने उनले बताए । विद्यालयमा आधुनिक र प्रविधिमैत्री शिक्षा प्रदान गर्ने उदेश्यका साथ सामग्री हस्तान्तरणसंग ब्यवहारिक ज्ञानमा समेत जोड दिदै आएको उनले बताए । यसैबिच काठमाण्डौमा चैत ८ देखि १० सम्म हुने डिष्ट्रिक कन्फ्रेन्समा क्लबबाट बढीभन्दा बढी सहभागी हुने गरि तयारी भएको उनले बताए ।