खोज

चन्द्रौटा(कपिलवस्तु), १९ माघ ।

कपिलवस्तुमा विद्यार्थीले बाल अधिकार संरक्षण गर्न स्थानीय सरकारलाई आग्रह गरेका छन् । विद्यालयस्तरीय अतिरिक्त क्रियाकलाप तथा विद्यार्थीसँग वडा अध्यक्ष कार्यक्रममा विद्यार्थीहरुले वक्तृत्वकला प्रतियोगिता कार्यक्रम मार्फत स्थानीय सरकारलाई आग्रह गरेका हुन् ।

जिल्लाको शिवराज नगरपालिका वडा नम्बर–३, नयाँबस्तीमा वडा कार्यालयले शुक्रबार आयोजना गरेको विद्यार्थीसँग वडा अध्यक्ष कार्यक्रममा भाग लिएका विद्यार्थीहरुले बाल अधिकार हनन हुँदै गएको बताएका थिए । अधिकार संरक्षण गर्न सरकारले महत्वपूर्ण योगदान पु¥याउन अधिकारबाट बन्चित गर्न नहुने उनीहरुको भनाई छ । यस्ता कार्यक्रमले विद्यार्थीहरुको क्षमता अभिवृद्धि हुने विश्वास छ ।

भविष्यका कर्णधारलाई शिक्षामा प्रमुख जोडदिनुपर्ने विद्यार्थीहरुले बताउँदै “बाल अधिकार संरक्षणमा स्थानीय सरकारको भूमिका” नामक शीर्षकमा कवितासँगै विद्यार्थीहरुले भनाई राखे । आफ्नो अधिकार संरक्षण गर्न वक्तव्य जोड्दै चित्रकला, वादविवाद र हाजिरी जवाफ गरी तीन विधामा प्रतिस्पर्धा गराइएको वडा कार्यालयले जनाएको छ । वडा कार्यालयका अनुसार उक्त कार्यक्रममा नगरका सामुदायिक र संस्थागत १४ वटा विद्यालयका विद्यार्थीहरुले सहभागिता जनाएका थिए ।

वादविवाद प्रतियोगितामा ः छात्रतर्फ प्रथम ः प्रवेश घिमिरे (गोल्डेन पार्क एकेडेमी खरेन्द्रपुर) द्वितीय ः अब्दुल रहमान खान (दुर्गा भगवती मा.वि. नयाँवस्ती), तृतीय ः आर्यन सुनार (आधारभूत विद्यालय, मदवा) यस्तै छात्रा तर्फ ः प्रथम ः दिपिका भुसाल (दुर्गा भगवती मा.वि.) द्वितीय ः आयुसा पुन (गोल्डेन पार्क एकेडेमी खरेन्द्रपुर) तृतीय ः अनिता पोख्रेल (समयथान मा.वि.) भएका छन् ।

हाजिरी जवाफ प्रतियोगितामा ः प्रथम ः हंस वाहिनी एकेडेमी खरेन्द्रपुर, द्वितीय ः समयथान मा.वि., तृतीय ः गोल्डेन पार्क एकेडेमी भएको जनाइएको छ । यसैगरी चित्रकला प्रतियोगितामा ः छात्र तर्फ ः
प्रथम ः हंसवाहिनी एकेडेमी खरेन्द्रपुर, द्वितीय ः मनोज तेलि (दुर्गा भगवती मा.वि. नयाँवस्ती) तृतीय ः भुवनेश्वोर गुप्ता (आधारभूत विद्यालय डकहिया) रहेका छन् । यस्तै छात्रा तर्फ ः प्रथम ः गायत्री चौधरी (गोल्डेन पार्क एकेडेमी खरेन्द्रपुर) द्वितीय ः खुश्बु जैसवाल (हंस वाहिनी एकेडेमी), तृतीय ः रुपा केवट (समयथान मा.वि.) स्थान हासिल गर्न सफल भएको आयोजकले जनाएको छ ।

यसैबीच शिवराज नगरपालिकाका मेयर अजय थापाले पछिल्लो समय शिक्षाले फड्को मारेको बताए । साना कक्षाका विद्यार्थीहरु मञ्चमा उभिएर आफ्ना अधिकारको माग गर्न ल्याकत राख्ने सह्रानीय कार्य रहेको उनले प्रशंसा गरे । निःशुल्क शिक्षाले चुलो नबल्ने बालबालिकाहरुलाई विद्यालयको पहुँचमा जोडेको उनको भनाइ छ । त्यसैगरी नगरपालिकाकी उपमेयर शिव कुमारी थारुले विद्यार्थीहरुको नेतृत्व विकासमा टेवा पुग्ने बताइन् । शिक्षा र विद्यार्थीहरूको उज्जवल भविष्य निर्माणका लागि सामूहिक प्रयास आवश्यक रहेको उनले धारण राखिन् । वडा अध्यक्ष टेकलाल सापकोटाले कार्यक्रमले विद्यार्थीहरूको प्रतिभा र सीपको विकासमा सकारात्मक योगदान पु¥याउने विश्वास व्यक्त गरे ।