© २०२३
बुटवल, १६ माघ । लुम्बिनी अटोमोबाईल एशोसियसन अफ नेपालले अटो मजदुरलाई लक्षित गरि निशुल्क आखा शिविर सम्पन्न गरेको छ । संस्थाको तेस्रो साधारण सभाको अवसरमा ब्यवसायीक हकहित, क्षमता अभिवृद्धिका साथै समुदायमा सामाजिक उत्तरदायित्वका कार्यक्रमहरु अन्तरगत बुधबार बुटवल अटो ईन्जिनियरिङ एशोसियसन सचिवालयमा वृहत आखा शिविर गरिएको हो ।
कार्यक्रमको नेपाल अटो मेकानिक्स ब्यवसायी महासंघका केन्द्रिय अध्यक्ष जनार्दन गैरेले औपचारिक रुपमा उद्घाटन गर्दै अटो क्षेत्रमा काम गर्ने मजदुर र ब्यवसायी बिच नङमासुको सम्बन्ध हुने भन्दै मजदुरको पिडालाई सम्बोधन हुने गरि महत्वपूर्ण काम भएको बताए ।
कार्यक्रममा लुम्बिनी अटोमोबाईल्स एशोसियसन अफ नेपालका अध्यक्ष गणेश प्रसाद भट्टराईले ब्यवसायीक हकहितसंग सामाजिक उत्तरदायित्वको क्षेत्रमा आफुहरु निरन्तर लागेको बताए । नितिगत रुपमा भिटिएस, लेखा तालिम दिएर ब्यवसायीलाई क्षमता अभिवृद्धिसंगै कोभिड संक्रमणको जोखिममा अटोमेकानिक्सहरुको स्वस्थ्यप्रति सचेतना र खोपको ब्यवस्था गरेको स्मरण गरे । हाल नाडा लुम्बिनीमा आवद्ध ब्यवसायीहरुको माग भनेको भन्सार दर समायोजन, चालु पुजी कर्जा पुनरालोकन, पुजिगत खर्च वृद्धि लगायत रहेको भन्दै यस विषयमा निरन्तर आवाज उठाउदै आएको बताए ।
कार्यक्रममा बुटवल अटो ईन्जिनियरिङ एशोसियसनका अध्यक्ष प्रेम गौचन, निवर्तमान अध्यक्ष तुल्सीराम न्यौपाने, नाडा लुम्बिनीका संस्थापक सदस्य राधाकृष्ण देउला, संस्थाका निवर्तमान सल्लाहकार सन्तोष पाण्डेले ब्यवसायीक हकहितसंगै मजदुरको स्वास्थ्यलाई लक्षित गरि कार्यक्रम भएको बताए ।
सप्ताहब्यापी कार्यक्रम अन्तरगत अन्तराष्ट्रिय भन्सार दिवसको अवसरमा माघ १२ गते भैरहवामा खुला सिमाना र यसले पारेको प्रभाव विषयक सरोकारवाला सहितको वृहत अन्तरक्रिया कार्यक्रम, माघ १६ गते बुटवलको मैनाबगर अटो भिलेजमा निशुल्क आखा परिक्षण सम्पन्न भएको संस्थाका वरिष्ठ उपाध्यक्ष तथा मुल कार्यक्रम संयोजक रोशन पाण्डेले बताए । यसैगरि माघ २६ गते ट्राफिक जनचेतना कार्यक्रम र फागुन ३ साधारण सभाको मुल कार्यक्रम हुने उनले बताए ।
बुटवल लायन्स आखा अस्पतालको प्राविधिक सहयोगमा भएको शिविरमा करीब दुई सय जनाले आखा जाच गरेको कार्यक्रम संयोजक तिलक पाण्डेले बताए । परिक्षणकै क्रममा मोतिबिन्दुको समस्या भेटिएका १६ जनालाई सहुलियत शुल्कमा अपरेसन समेत गरिने भएको उनले बताए । हाल नाडामा १२० जना ब्यवसायीहरु आवद्ध छन ।
यो वेबसाइट बुटवल टुडे राष्ट्रिय दैनिकको आधिकारिक न्युज पोर्टल हो। नेपाली भाषाको यो पोर्टलले समाचार, विचार, शिक्षा, स्वास्थ्य, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ । साबिक न्युज बुटवल टुडे डटकमबाट बुटवल टुडे डटकममा परिणत भएको छ।
सूचना विभाग दर्ता नं.: ४६५६
प्रेस काउन्सिल दर्ता नं. १२६७
फोन: ०७१-५५४६४०, ५५४६४२
इमेल: ebutwaltoday@gmail.com
ठेगाना: बुटवल–६, रुपन्देही
बुटवल टुडे
बुटवल टुडे राष्ट्रिय दैनिक समाचारका लागि: newsbutwaltoday@gmail.com
अनलाइन समाचार का लागि: ebutwaltoday@gmail.com
बिज्ञापनका लागि: addbutwaltoday@gmail.com
फोन: ०७१-५५४६४०, ५५४६४२
सम्पर्क गर्नुहोस्अध्यक्ष
हरी प्रसाद पौडेलप्रबन्ध सम्पादक
नवराज कॅुवरसम्पादक
लक्ष्मण पौडेलसह–सम्पादक
स्वस्तिक श्रेष्ठउप–सम्पादक
निरुता गिरी