खोज

बुटवल, १५ माघ । लुम्बिनी अटोमोबाईल एशोसियसन अफ नेपालले विविध रचनात्मक कार्यक्रम अघि बढाएको छ । संस्थाको साधारण सभाको अवसरमा ब्यवसायीक हकहित, क्षमता अभिवृद्धिका साथै समुदायमा सामाजिक उत्तरदायित्वका कार्यक्रमहरु आयोजना हुने वरिष्ठ उपाध्यक्ष तथा मुल कार्यक्रम संयोजक रोशन पाण्डेले बताए । सप्ताहब्यापी कार्यक्रम अन्तरगत अन्तराष्ट्रिय भन्सार दिवसको अवसरमा माघ १२ गते भैरहवामा खुला सिमाना र यसले पारेको प्रभाव विषयक सरोकारवाला सहितको वृहत अन्तरक्रिया कार्यक्रम गरिएको उनले बताए । नेपाल भन्सार एजेन्ट संघ सिद्धार्थनगर, चेम्बर अफ कर्मश रुपन्देही, बुटवल अटो इन्जिनियरिङ एशोसियसन, नाडा लुम्बिनी, तिलोत्तमा चेम्बर अफ कमर्श, सिद्धार्थ होटल एशोसियसन नेपाल र सिद्धार्थ सन्जाल रुपन्देहीको सहकार्यमा वृहत कार्यक्रम गरिएको उनले बताए ।

यसैगरि माघ १६ गते बुटवलको मैनाबगर अटो भिलेजमा निशुल्क आखा परिक्षण, माघ २६ गते ट्राफिक जनचेतना कार्यक्रम र फागुन ३ साधारण सभाको मुल कार्यक्रम हुने उनले बताए । अटोभिलेजमा हुने आखा शिविरमा करीब ६ सय बढी अटो ब्यवसायी र अटो मजदुरहरुको आखा जाच गरिने छ । यसैगरि फागुन ३ गते हुने मुल समारोहमा नाडाका केन्द्रिय अध्यक्ष करण चौधरीको सहभागिता रहने उनले बताए ।
लुम्बिनी अटोमोबाईल्स एशोसियसन अफ नेपालका अध्यक्ष गणेश प्रसाद भट्टराईले ब्यवसायीक हकहितसंग सामाजिक उत्तरदायित्वको क्षेत्रमा आफुहरु निरन्तर लागेको बताए ।

नितिगत रुपमा भिटिएस, लेखा तालिम दिएर ब्यवसायीलाई क्षमता अभिवृद्धिसंगै कोभिड संक्रमणको जोखिममा अटोमेकानिक्सहरुको स्वस्थ्यप्रति सचेतना र खोपको ब्यवस्था गरेको स्मरण गरे । हाल नाडा लुम्बिनीमा आवद्ध ब्यवसायीहरुको माग भनेको भन्सार दर समायोजन, चालु पुजी कर्जा पुनरालोकन, पुजिगत खर्च वृद्धि लगायत रहेको भन्दै यस विषयमा निरन्तर आवाज उठाउदै आएको बताए । हाल नाडामा १२० जना ब्यवसायीहरु आवद्ध छन ।