खोज

बर्दिया, १२ माघ ।

यहाँका एक पुर्व वडा अध्यक्षले बलमिच्याई गरी तालको बाँधमा टहरा बनाएर होटेल निर्माण गर्न थालेका छन् । माघ १५ गते देखि २५ गते सम्म हुने महोत्सवलाई लक्षित गरेर उनले होटेल सञ्चालन गर्नका लागि निर्माण थालेका हुन् ।

बढैयाताल गाउँपालिका वडा नं ४ का पुर्व वडा अध्यक्ष तथा माओवादी केन्द्र बढैयाताल गाउँ कमिटीका कार्णबहादुर थापाले यसरी बल मिच्याई गरेर टहरो निर्माण थालेका हुन् ।

तर यसलाई उनले भने अस्वीकार गरेका छन् । “योमेरो होईन ,महोत्सव आयोजकले बसोबास गर्नका लागि टहरा बनाउन लागेको हो”–थापाले भने । उनले पहिले पनि तालमा रहेको पिकनिक स्पटको ठेक्का पाएर तालको बाँधमा टिकट काउन्टरको नामा होटेल सञ्चालन गरेका छन् । पिकनिक स्पटमा टिकट काउन्टर हुँदाहुँदै दादागिरी मानसायले होटेल सञ्चालनको लागि टहरा निर्माण गरेका छन् ।

यता बाँधमा कुनै पनि व्यक्ति वा संस्थाले ताल परिसर भित्र पारेर घर टहरा निर्माण गर्न नपाउने बढैयाताल गाउँपालिका वडा नं ५ का वडा अध्यक्ष तुलाराम थारूले बताए । यदि पिकनिक स्पटका ठेकेदारले बनाउन लागेको हो भने तत्काल हटाउन लगाउने उनले बताए ।

महोत्सव सञ्चालनका लागि तालको बाँधमा महोत्सवले कुनै घर टहरा निर्माण नगरेको थारू काल्याणकारिणी सभाका केन्द्रीय पार्षद लल्लु राम थारूले बताए । यसरी व्यवसाय गर्नका लागि कुनै पनि मानिसले टहरा निर्माण गर्न नपाउने उनले बताए ।

यसरी आफ्नो मानोमानी हिसावले ताल परिसर भित्र टहरा निर्माणको काम पालिका र वडाले तत्काल नरोके स्थानीयले टहरा निर्माण गर्ने बढैया गाउँका युवा राकेश चौधरीले बताए । उनले भने “यसरी महोत्सलाई विफल पार्न र आफ्नो कमाईको लागि अस्थायी होटेल सञ्चालन गर्नका लागि पुरै गाउँ त्यसको अबरोधमा लाग्ने छौ ।”

यस्तै होटेल व्यवसायीले महोत्सव हुने ठाउँमा अस्थायी होटेल तालको बाँधमा निर्माण गर्न गए आफूहरु पनि त्यही गएर अस्थायी होटेल निर्माण गरेर होटेल सञ्चालन गर्न बाध्य हुने बढैयातालको छेउँमा होटेल सञ्चालन गर्दै आएका होटेल व्यवसायी कृष्ण कन्हैयाले बताए ।

ताल वरिपरि पहिला भएको संरचना बहेक ५ सय मिटर भित्र कुनै पनि संरचना निर्माण गर्न नपाउने लिखित सम्झौता भएको मेलाका ठेकेदार अर्जुन ओलीले बताए ।

पुर्व वडा अध्यक्ष कार्ण बहादुर थापाले सिमसारको नाममा होटेल सञ्चालन गर्न लागेका छन् । थारू कल्याणकारिणी सभा बढैयाताल गाँउकमिटीले महोत्सव आयोजना गर्न लागेको हो ।